കോട്ടപ്പടി : കോട്ടപ്പടിയില്‍ പാടത്തിനു തീപിടിച്ചു. കോട്ടപ്പടി -തമ്പുരാന്‍പടി റോഡില്‍ മിലന്‍ ഓഡിറ്റോറിയത്തിനു പിറകിലെ പാടത്തിനാണ് തീപിടിച്ചത്. ഉച്ചക്ക് ഒന്നരമണിയോടെയാണ് തീപിടിച്ചത്. പാടത്ത് തീപടര്‍ന്നത്തോടെ മേഖലയാകെ പുകയില്‍ മുങ്ങി. കുന്നംകുളത്ത് നിന്നും ഗുരുവായൂരില്‍ നിന്നും എത്തിയ ഫയര്‍ഫോഴ്സിന്‍റെ നാല് യൂണിറ്റുകളുടെ ഒരു മണിക്കൂര്‍ നീണ്ടുനിന്ന തീവ്രശ്രമത്തിനൊടുവില്‍ തീ നിയന്ത്രണവിധേയമാക്കി.