posted on 11 April 2014 ചാവക്കാട് : തിരുവത്ര അയോദ്ധ്യനഗറില് സി.പി.എം.- ബി.ജെ
.പി. സംഘര്ഷം രണ്ടുപേര്ക്കു പരിക്കേറ്റു. സി.പി.എം. പ്രവര്ത്തകന്
തിരുവത്ര പടിഞ്ഞാറെ പുരയ്ക്കല് ഷക്കീറിനെ(30) മുതുവട്ടൂര് രാജ
ആസ്പത്രിയിലും ബി.ജെ.പി. പ്രവര്ത്തകന് തിരുവത്ര മക്കാലിക്കല് സുരേന്ദ്രനെ(53)
ചാവക്കാട് താലൂക്കാശുപത്രിയിലും പ്രവേശിപ്പിച്ചു. വ്യാഴാഴ്ച രാവിലെ 10
.30ഓടെയാണ് സംഭവം. 97-ാം ബൂത്തില് വോട്ട്രേഖപ്പെടുത്തിയശേഷം
വീട്ടുപടിക്കല് നില്ക്കുമ്പോള് സി.പി.എം. പ്രവര്ത്തകര് ബൈക്കിലെത്തി സുരേന്ദ്രനെ ഇടിച്ചു വീഴ്ത്തുകയായിരുന്നുവെന്ന് ബി
.ജെ.പി. പ്രവര്ത്തകര് പറയുന്നു. എന്നാല് സി.പി.എം. പ്രവര്ത്തകനെ ബി.ജെ.പി. പ്രവര്ത്തകര് ബൈക്ക് തടഞ്ഞു
ആക്രമിക്കുകയായിരുന്നു എന്നാണ് സി.പി.എമ്മുകാര് പറയുന്നത്. മാസങ്ങളായി സി പി എം - ബിജെപി സംഘട്ടനം
നിലനില്ക്കുന്ന പ്രദേശമാണ് ഇത്.
സി പി എം പ്രവര്ത്തകനെ വഴിതടഞ്ഞ് സംഘം ചേര്ന്ന് ആയുധങ്ങള് ഉപയോഗിച്ച് ആക്രമിച്ച കേസില് റനീഷ്, ബിജു,
റനില്, അജിത്, രതീഷ് എന്നിവരുള്പ്പെടെ പതിനഞ്ച് ബിജെപി പ്രവര്ത്തകരുടെ പേരില് പോലീസ് കേസ്സെടുത്തു.
|