banner1banner2banner3banner4banner5banner7
Ad-here
banner6

if you have any problem to read for Pc click here for Mac click here

www.chavakkadonline.com

archive

since 1999

chavakkadonline friends bookchavakkadonline g+ chavakkadonline T V

home iconHome

18-10-2014 Saturday

നാരങ്ങപ്പാല് ചൂണ്ടയ്ക്ക രണ്ട് - അദ്ധ്യാപകന്റെ ഓര്‍മ്മപ്പുസ്തകം പുറത്തിറക്കി

Posted on  18 October 2014
17-10-14 narangapalu
ചാവക്കാട്‌:  മണത്തല ബി.ബി.എ.എല്‍.പി.സ്‌കൂളിലെ അദ്ധ്യാപകനായ റാഫി നീലങ്കാവിലാണ് നാരങ്ങപ്പാല് ചൂണ്ടയ്ക്ക രണ്ട് - സ്‌കൂള്‍ ഓര്‍മ്മക്കുറിപ്പുകള്‍ പുറത്തിറക്കിയത്. പഠിച്ച കാലത്തേയും പഠിപ്പിച്ച കാലത്തേയും  അനുഭവങ്ങളിലൂടെ  പുതിയകാല വിദ്യാലയ അന്തരീക്ഷം നമുക്ക് വരച്ചു കാട്ടുകയാണ് മാഷ്.
കാരൂര്‍, അക്ബര്‍ കക്കട്ടില്‍, ടി.എന്‍. പ്രകാശ് എന്നി വരുടെ കഥകളിലും അക്ബര്‍ കക്കട്ടിലിന്റെ വിദ്യാലയക്കുറിപ്പുകളിലും മോഹനകൃഷ്ണന്‍ കാലടി, കുരീപ്പുഴ ശ്രീകുമാര്‍, പി.എന്‍. ഗോപീകൃഷ്ണന്‍ എന്നിവരുടെ കവിതകളിലും ഹൃദയസ്പര്‍ശിയായി കടന്നുവരുന്നു വിദ്യാലയാവിഷ്‌കാരങ്ങള്‍. അവരുടെ പാത പിന്‍തുടരുകയാണ് അദ്ധ്യാപകനായ റാഫി മാഷും. അദ്ധ്യാപകന്റെ ജീവിതം തന്നെയാണ് മാഷിന്റെ പുസ്തകായ നാരങ്ങപ്പാല് ചൂണ്ടയ്ക്ക രണ്ട് എന്ന കഥകളില്‍ നിറയുന്നത്.
വളരെ പ്രസാദാത്മകതയോടെയും നര്‍മ്മ ബോധത്തോടെയും റാഫി മാഷ് എഴുതിയ നാരങ്ങപ്പാല് ചൂണ്ടയ്ക്ക രണ്ട് വിദ്യാലയ ദൃക്‌സാക്ഷിവിവരണം നമുക്ക് തരുന്നുവെന്ന് സാഹിത്യ അക്കാദമി പ്രസിഡന്റ് പെരുമ്പടവം ശ്രീധരന്‍. മണത്തല ബി.ബി.എ.എല്‍.പി.സ്‌കൂളിലെ അദ്ധ്യാപകനായ റാഫി നീലങ്കാവില്‍ എഴുതിയ പുസ്തകത്തിന്റെ പ്രകാശനം സിനിമ- സീരിയല്‍ അഭിനേതാവായ മധുപാലിന് നല്‍കിക്കൊണ്ട്  പ്രകാശനം ചെയ്യുകയായിരുന്നു അദ്ദേഹം.
ചാവക്കാട് കടപ്പുറത്തെ ബി.ബി.എ.എല്‍.പി. സ്‌കൂളില്‍ 2003 മുതല്‍ അദ്ധ്യാപകനായി ജോലിചെ യ്തുവരുന്ന റാഫി നീലങ്കാവില്‍ 2009ല്‍  ദേശീയ അദ്ധ്യാപകസംഗമത്തിലും 2008 സംസ്ഥാന അദ്ധ്യാപകസംഗമത്തിലും പ്രബന്ധം അവതരിപ്പിച്ചിരുന്നു. കൊതുകുപുരാണം, മതിലുകള്‍ക്കപ്പുറം, ഹര്‍ത്താല്‍ദിന പരിപാടികള്‍ എന്നീ നാടകങ്ങള്‍ രചിച്ചു. കൊതുകുപുരാണത്തിന് ദേശീയ അംഗീകാരവും സംസ്ഥാന അംഗീകാരവും ലഭിച്ചു. 2009 ല്‍ 'ഊഞ്ഞാല്‍' അനിമേഷന്‍ സി.ഡി ക്ക് ദേശീയ അംഗീകാരം ലഭിച്ചു.  നാല് രാജ്യാന്തര ചലച്ചിത്രമേളകളില്‍ പ്രദര്‍ശിപ്പിച്ച 2014ല്‍ പുറത്തിറങ്ങിയ 'തവളേം ചാവും മീനും ചാവും ചാച്ചിക്കുട്ടിയും ചാവും' എന്ന ലഘുചിത്രത്തിന്റെ കഥയും തിരക്കഥയും നിര്‍മ്മാണവും ഇദ്ദേഹമാണ് നിര്‍വഹിച്ചത്‌.
യോഗത്തില്‍ സാഹിത്യ അക്കാദമി വൈസ് പ്രസിഡന്റ് അക്ബര്‍ കക്കട്ടില്‍ മുഖ്യപ്രഭാഷണം നടത്തി. കേരള സാഹിത്യ അക്കാദമി നിര്‍വ്വാഹകസമിതി അംഗം ഡോ.ഡി. ബഞ്ചമിന്‍, രാജന്‍ എലവത്തൂര്‍, സൈജോ കണ്ണനായ്ക്കല്‍, പ്രസാദ് കാക്കശ്ശേരി, എന്‍.എം.ജോസ്  എന്നിവര്‍ പ്രസംഗിച്ചു.
.