posted on 19 June 2015 ചാവക്കാട് : തമിഴ്നാട്ടുകാരനെ കുത്തിക്കൊല്ലാന് ശ്രമിച്ച
കേസില് പ്രതിയായി ജാമ്യമെടുത്തു മുങ്ങിയ യുവാവിനെ ഏഴു
വര്ഷത്തിനുശേഷം പിടികൂടി. എടക്കഴിയൂര് പഞ്ചവടി വടക്കേപുറത്ത്
മുനീറി (കടുവ മുനീര്-30) നെയാണ് ചാവക്കാട് എസ്ഐ എ.വി.
രാധാകൃഷ്ണന്, സീനിയര് സി.പി.ഒ.മാരായ ബാലന്, സാജന് കെ.,
സി.പി.ഒ. ലോഫി രാജ് എന്നിവരുടെ നേതൃത്വത്തില് അറസ്റ്റ് ചെയ്തത്.
2008ലാണ് കേസിനാസ്പദമായ സംഭവം. പഞ്ചവടിയില് നിന്നു
വിവാഹം കഴിച്ച് താമസിച്ചിരുന്ന കമല്രാജിനെയാണ് മുനീര്
കുത്തിയത്. തൃശ്ശൂര് ഫസ്റ്റ് ക്ലാസ് അഡീഷണല് അസിസ്റ്റന്റ്
സെഷന്സ് കോടതിയില്നിന്നു ജാമ്യമെടുത്താണ് മുനീര് ഒളിവില്
പോയത്. കഴിഞ്ഞ ദിവസം നാട്ടിലെത്തിയിട്ടുണ്ടെന്ന വിവരമറിഞ്ഞാണ് പോലീസ് പിടികൂടിയത്.
|