ഫെബ്രുവരി 22 ലോക സ്കൗട്ട്
ദിനം നന്മയുടെ പ്രകാശം വിതറി സര്ഫുന്നീസ ടീച്ചര്
posted on 22 February 2015
ചാവക്കാട് : ഇന്ന് ലോകമെമ്പാടും 105-ാം സ്കൗട്ട്ദിനം ആചരിക്കുമ്പോള് ടി.പി.സര്ഫുന്നീസടീച്ചര്ക്കിത്
സ്വപ്നസാഫല്യദിനം കൂടിയാണ്. ടീച്ചറുടെ റിട്ടയര്മെന്റിന്റെ ഓര്മ്മയ്ക്കായ് ജീവിക്കുന്ന സ്മാരകമാണ് ടീച്ചര് വിദ്യാലത്തിന്
സമ്മാനിക്കുന്നത്. ദിവസവും ഒരു നന്മ പ്രവര്ത്തിക്കുക എന്ന മുദ്രാവാക്യവുമായി പ്രവര്ത്തിക്കുന്ന സ്കൗട്ട്
പ്രസ്ഥാനത്തിന്റെ കബ് ബുള്ബുള് വിഭാഗങ്ങള് സ്കൂളിന് സ്നേഹപൂര്വ്വം നല്കുന്നു ടീച്ചര്. മണത്തല ബി.ബി.എ.എല്.പി.
സ്കൂളില് നിന്നും 28 വര്ഷത്തെ സേവനത്തിന് ശേഷം പടിയിറങ്ങുയാണ് ടി.പി സര്ഫുന്നീസടീച്ചര്.
ചാവക്കാട് കടപ്പുറത്തെ സാധാരണക്കാരുടെ ആശ്രയമായ വിദ്യാലയത്തിലെ വിദ്യാര്ത്ഥികളുടെ സാമ്പത്തിക ബുദ്ധിമുട്ടുമൂലം
പലപ്പോഴും സ്കൌട്ട് പ്രസ്ഥാനത്തിന്റെ പ്രവര്ത്തനം തടസ്സപ്പെട്ടിരുന്നു. ഇതിനു പരിഹാരമായിട്ടാണ് പ്രസ്ഥാനത്തില്
അംഗമാകുന്ന മുഴുവന് വിദ്യാര്ത്ഥികള്ക്കും വേണ്ട യൂണിഫോമും മറ്റ് അനുബന്ധ സൗകര്യങ്ങളും സൗജന്യമായി നല്കാന്
ടീച്ചര് തീരുമാനിച്ചത്. സ്കളിലെ കബ് മാസ്റ്ററായ റാഫി നീലങ്കാവില് ടീച്ചറുടെ തീരുമാനത്തിന് ഉറച്ച പിന്തുണയും
നല്കിയപ്പോള് ടീച്ചറുടെ സ്വപ്നം പൂര്ണ്ണതയിലെത്തുകയായി.
പരിപാടിയുടെ ഭാഗമായി ആദ്യ ബാച്ചിന്റെ ചിഹ്നദാന ചടങ്ങ് സംഘടിപ്പിച്ചു. സ്കൗട്ട് ആന്റ് സൈഡ്സ് സംസ്ഥാന
ഭാരവാഹിയായ പി.ഡി. ഷാജന്മാസ്റ്റര്, ചാവക്കാട് ലോക്കല് അസോസിയേഷന് സെക്രട്ടറി ജിയോ ജോര്ജ്, സ്കൂള്
മാനേജര് ഷാഹു പി.എസ്, കമ്മറ്റി അംഗങ്ങളായ പി.എ.ഉക്കുവത്ത്, മൊയ്തീന്ഷാ ടി.എച്ച്. മുഹമ്മദ് എം.എം., പിടി.എ.
പ്രസിഡന്റ് എം.ബി.ആഷ്റഫ് എന്നിവര് ചടങ്ങില് സംബന്ധിച്ചു. തുടര്ന്ന് സ്കൂളിലെ വിദ്യാര്ത്ഥികള്ക്ക്
സ്നേഹവിരുന്നും ഒരുക്കി. സൗമ്യ വിശ്വനാഥ്, അധ്യാപകരായ ഹെല്ന ലോറന്സ്, ജൂഡി ഇഗ്നീഷ്യസ് എന്നിവര്
നേതൃത്വം നല്കി. .