ചാവക്കാട് : മാലിന്യം മൂലം ദുരിതമനുഭവിക്കുന്ന മണത്തല പരപ്പില്‍ താഴം നിവാസികളുടെ പ്രശ്നങ്ങള്‍ക്ക് ശാശ്വത പരിഹാരം കാണണമെന്നും നിരാഹാര സമരം നടത്തുന്ന കെ എസ് യു പ്രവര്‍ത്തക സോഫിയയുടെ ജീവന്‍ രക്ഷിക്കാന്‍ ജില്ലാ കലക്ടര്‍ നടപടി സ്വീകരിക്കണമെന്നും ഐ എന്‍ ടി യു സി ആവശ്യപ്പെട്ടു.
പ്രകടനവുമായി സമരപ്പന്തലില്‍ എത്തിയ ഐ എന്‍ ടി യു സി പ്രവര്‍ത്തകര്‍ അഞ്ചാം ദിവസവും നിരാഹാരം തുടരുന്ന സോഫിയക്ക് അഭിവാദ്യം അര്‍പ്പിച്ചു.
ഐ എന്‍ ടി യു സി ഗുരുവായൂര്‍ റീജിയണല്‍ പ്രസിഡണ്ട് എം എസ് ശിവദാസ്, കെ വി മുഹമ്മദ്‌, പ്രേമാവതി ബാലകൃഷ്ണന്‍, സി എസ് നാരായണന്‍, വി കെ വിമല്‍, സി കെ സത്യന്‍, പി എ നാസര്‍, വോള്‍ഗ ഷൌക്കത്ത്, അബു തിരുവത്ര, എന്‍ കെ സുനില്‍, കെ കെ സഫര്‍ഖാന്‍, കണ്ണന്‍ എന്നിവര്‍ നേതൃത്വം നല്‍കി.