posted on 24 July 2015
 ചാവക്കാട്‌: മാപ്പിളപ്പാട്ട് ഗായകനും രചയിതാവുമായ കെ ജി
സത്താര്‍ (87) അന്തരിച്ചു. പാവറട്ടിയിലെ വീട്ടില്‍ വെച്ചാണ്
മരണം. കുറച്ച് വര്‍ഷങ്ങളായി വാര്‍ധക്യ സഹജമായ അസുഖങ്ങളാല്‍ കിടപ്പിലായിരുന്നു.
ഗായകനായിരുന്ന കെ ഗുല്‍മുഹമ്മദ് ബാവയുടെ മകനാണ് കെ ജി
സത്താര്‍. മറിയുമ്മുവാണ് ഭാര്യ. മക്കള്‍: സലീം, ജമീല, നൗഷാദ്, കമറുദ്ദീന്‍, നസീമ.
നൂറുകണക്കിന് മാപ്പിളപ്പാട്ടുകള്‍ രചിച്ച് സംഗീതമിട്ട്
ആലപിച്ചിട്ടുള്ള കലാകാരനാണ് കെ ജി സത്താര്‍. മാപ്പിളപ്പാട്ടിന്
പുറമേ ലളിതഗാനങ്ങളും നാടകഗാനങ്ങളും എഴുതുകയും ആലപിക്കുകയും
ചെയ്തിട്ടുണ്ട്. അറുപതുകളിലും എഴുപതുകളിലും ഗ്രാമഫോണ്‍
റെക്കോഡുകളില്‍ നിറഞ്ഞുനിന്നിരുന്ന ശബ്ദമായിരുന്നു കെ ജി
സത്താറിന്റേത്. ആകാശവാണിയില്‍ എ ഗ്രേഡ് ആര്‍ട്ടിസ്റ്റുമായിരുന്നു. | 
