posted on 27 March 2016
 ഗുരുവായൂര്‍: ഗുരുവായൂര്‍ മണ്ഡലത്തില്‍ ബിജെപി
സ്ഥാനാര്‍ഥിയായി അഡ്വ.നിവേദിത മത്സരിക്കും.
ഗുരുവായൂര്‍ സ്വദേശിയായ നിവേദിത മഹിളാ മോര്‍ച്ച മുന്‍
സംസ്ഥാന അധ്യക്ഷ രാധാ ബാലകൃഷണന്റെ മകളാണ്.
അടിയന്തിരാവസ്ഥ കാലത്ത് അമ്മയോടൊപ്പം പാലക്കാട്
കോട്ട ജയിലില്‍ ഒന്നര മാസക്കാലം ജയില്‍ വാസം
അനുഭവിച്ചിട്ടുണ്ട്. അന്ന് ഇവര്‍ക്ക് മൂന്നുമാസം
പ്രായമായിരുന്നു. ബി എ, എല്‍ എല്‍ ബി, എം ബി എ
ബിരുദധാരിയായ നിവേദിത ചാവക്കാട് കോടതിയില്‍
അഡ്വക്കറ്റായി സേവനമനുഷ്ടിക്കുന്നു. നിലവില്‍ അഭിഭാഷക
പരിഷത്തിന്റെ ചാവക്കാട് യൂണിറ്റ് സെക്രട്ടറിയാണ്. | 
