posted on 27 March 2016
 ചാവക്കാട് : ഗുരുവായൂര്‍ നിയോജകമണ്ഡലം യു ഡി
എഫ് സ്ഥാനാര്‍ഥിയെ മുസ്‌ലിംലീഗ് പ്രഖ്യാപിച്ചു.
മുസ്ലിം യൂത്ത് ലീഗ് സംസ്ഥാന പ്രസിടണ്ട് പി എം
സാദിഖലി ഗുരുവായൂരില്‍ മത്സരിക്കും. നാട്ടിക പുതിയവീട്ടില്‍ മുഹമ്മദാലിയുടെയും
ഐശാബിയുടെയും മകനാണ് അഡ്വ.സാദിഖലി. എഴുത്തുകാരന്‍, പ്രഭാഷകന്‍, ചിത്രകാരന്‍, എന്നീ
നിലകളില്‍ പ്രാഗത്ഭ്യം തെളിയിച്ചിട്ടുള്ള ഇദ്ദേഹം
സാമ്പത്തികശാസ്ത്രത്തിലും നിയമത്തിലും ബിരുദധാരിയാണ്.
സ്കൂള്‍ തലം മുതല്‍ എം എസ് എഫില്‍ പ്രവര്‍ത്തിച്ച് നേതൃനിരയില്‍ എത്തിയ സാദിഖലി
വിവധ പദവികള്‍ അലങ്കരിച്ചിട്ടുണ്ട്. ഭാര്യ മുതാസും
മൂന്നു മക്കളുമൊത്ത് നാട്ടികയിലാണ് താമസം. | 
