pc aboker hajiചാവക്കാട് : ചേറ്റുവ എങ്ങണ്ടിയൂരില്‍ കാറും ബൈക്കും കൂട്ടിയിടിച്ച് ബൈക്ക് യാത്രികന്‍ മരിച്ചു. കടപ്പുറം പഞ്ചായത്ത് ലീഗ് നേതാവ് പി സി അബൂബക്കര്‍ ഹാജി ()യാണ് മരിച്ചത്. ശനിയാഴ്ച വൈകുന്നേരം അഞ്ചുമണിയോടെ എം ഐ ആശുപത്രിക്ക് സമീപമാണ് അപകടം. സ്വകാര്യ ആശുപത്രിയില്‍ രാത്രി പത്തോടെയായിരുന്നു മരണം.
മുസ്‌ലിം ലീഗ് കടപ്പുറം പഞ്ചായത്ത് സെക്രട്ടറി, അഞ്ചങ്ങാടി മഹല്ല് ജനറല്‍ സെക്രട്ടറി എന്നീ നിലകളില്‍ പ്രാവര്‍ത്തിച്ചിട്ടുണ്ട്. ഖബറടക്കം ഇന്ന് അഞ്ചങ്ങാടി ജുമാമസ്ജിദ് ഖബര്‍സ്ഥാനില്‍.
ഭാര്യ: മറിയംബി. മക്കള്‍: മര്‍ഹാന്‍, ഷര്‍വാന്‍.