ഗുരുവായൂര് ക്ഷേത്രത്തിന്റെ പുതിയ നടപ്പുര സമര്പ്പണം മന്ത്രി വി എസ് ശിവകുമാര് നിര്വഹിച്ചു
posted on 09 August 2014
ഗുരുവായൂര്: ഗുരുവായൂര് ക്ഷേത്രത്തിന് മുന്നില് നിര്മ്മിച്ച പുതിയ നടപ്പുരയുടെ സമര്പ്പണം ദേവസ്വം
വകുപ്പുമന്ത്രി വി എസ് ശിവകുമാര് നിര്വഹിച്ചു. കുംഭകോണത്തുള്ള ശ്രീഗുരുവായൂരപ്പ ഭക്തസേവാസംഘമാണ് നടപ്പുര
നിര്മ്മിച്ച് സമര്പ്പിച്ചത്. ദേവസ്വം ചെയര്മാന് ടി വി ചന്ദ്രമോഹന്, ഭരണസമിതിയംഗം അഡ്വ: എ സുരേശന്,
അഡ്മിനിസ്റ്റ്രേറ്റര് കെ മുരളീധരന്, ശ്രീഗുരുവായൂരപ്പ ഭക്തസേവാസംഘം ഭാരവാഹികളായ എം രവിചന്ദ്രന്, എം
ശിവശങ്കരന്, ബി വെങ്കിടേശ്വരന്, പി ആര് എം രംഗമണി, കെ കെ ശങ്കരനാരായണന്, എം ബാലസുബ്രഹ്മണ്യന്,
പോലീസ് സൂപ്രണ്ട് ആര് കെ ജയരാജ്, അസി: പോലീസ് കമ്മീഷണര് ആര് ജയചന്ദ്രന്പിള്ള, ക്ഷേത്രം ഡെപ്യുട്ടി
അഡ്മിനിസ്റ്റ്രേറ്റര് കെ. സുരേന്ദ്രന്, ക്ഷേത്രം സൂപ്രണ്ട് ആര്. പരമേശ്വരന്, മാനേജര് എ കെ ഉണ്ണികൃഷ്ണന്
എന്നിവര് സംസാരിച്ചു. 228-അടി നീളവും, 60-അടി വീതിയിലും നിര്മ്മിച്ച നടപ്പുരയുടെ ഉയരം 45-അടിയാണ്.
ഓട്ടുപാത്രങ്ങള്, ചെമ്പ്, പൂജാപാത്രങ്ങള്, പ്രസാദഊട്ടുപുരയിലെ സ്റ്റീല് മേശ, കസേര തുടങ്ങി ഒട്ടേറെ
സാധനങ്ങള് ഭക്തസംഘം സമര്പ്പിച്ചിട്ടുണ്ട്.