ചാവക്കാട് : പരപ്പിൽതാഴം പാടത്തിനോട് ചേർന്ന് മത്തിക്കായലിൽ കാണാതായ ബൈക്ക് കണ്ടെത്തി.  തിരുവത്ര ബേബി റോഡ് രാമി കോയ മകൻ മുനീർ ഉപയോഗിച്ചിരുന്ന സഹോദരന്റെ പേരിലുള്ള  ബൈക്ക് കഴിഞ്ഞ ആഴ്ച മോഷണം പോയിരുന്നു.  ഈ ബൈക്കാണ് ഇന്ന്  മത്തിക്കായലിൽ കണ്ടെത്തിയത്. പ്രദേശവാസികളായ കുട്ടികള്‍ കായലില്‍ ചൂണ്ടയിട്ട് മീന്‍ പിടിക്കുന്നതിനിടെ ബൈക്ക് ചൂണ്ടയില്‍ കുടുങ്ങുകയായിരുന്നു. കുട്ടികള്‍ വിവരം നാട്ടുകാരെ അറിയിക്കുകയായിരുന്നു. തുടര്‍ന്ന് ചാവക്കാട് പോലീസ് സ്ഥലത്തെത്തി ബൈക്ക് പുറത്തെടുത്തു.  പോലീസ് അന്വേഷണം ആരംഭിച്ചു.