ചാവക്കാട് : രാജ സീനിയർ സെക്കൻഡറി സ്കൂൾ സിൽവർ ജൂബിലി(രാജായനം) ആഘോഷിച്ചു. മജിഷൻ ഗോപിനാഥ് മുതുകാട്. ഉദ്ഘാടനം ചെയ്തു. ജീവിതത്തിലെ പ്രൈം ടൈം ആണ് വൈകുന്നേരം 7 മുതൽ 9 മണി വരെയുള്ള സമയം. ഇപ്പോഴത് ടീവി ചാനലുകളുടെ പ്രൈം ടൈം ആണ്. അത് തിരിച്ചു പിടിക്കാനും, കുടുംബത്തിന്റെ ഒന്നിച്ചിരിക്കലിന്റെ പ്രൈം ടൈം ആക്കാനും മുതുകാട് രക്ഷിതാക്കളെ ഉത്ബോധിപിച്ചു.
പ്രിൻസിപ്പൽ ഷമീംബാവ സ്വാഗതം ആശംസിച്ചു. സ്കൂൾ മാനേജിങ് ട്രസ്റ്റി എ അബ്ദുൽ ഹസീബ് അധ്യക്ഷത വഹിച്ചു.
രാജ ഐലൻഡ് ചേറ്റുവ ഡോ. തുഷാര, എ അബ്ദുൽ റഫീഖ് തുടങ്ങിയവർ സംസാരിച്ചു. സ്കൂൾ ഹെഡ് ഗേൾ നേഹ നെസറിൻ നന്ദി പറഞ്ഞു. തുടർന്ന് കുട്ടികളുടെ കലാപരിപാടികൾ അരങ്ങേറി.