ബീച്ച് ലവേഴ്സ് ക്രിസ്മസ് – പുതുവത്സരാഘോഷം ഭക്ഷ്യധാന്യ കിറ്റ് വിതരണവും സംഗീത സദസ്സും സംഘടിപ്പിച്ചു

ചാവക്കാട്: ചാവക്കാട് ബീച്ച് ലവേഴ്സിന്റെ നേതൃത്വത്തിൽ ബ്ലാങ്ങാട് ബീച്ചിൽ ക്രിസ്മസ്-പുതുവത്സരാഘോഷങ്ങൾ വിപുലമായ പരിപാടികളോടെ സംഘടിപ്പിച്ചു. ആഘോഷങ്ങളുടെ ഭാഗമായി ബീച്ചിലെ ശുചീകരണ തൊഴിലാളികൾക്കായി സംഘടിപ്പിച്ച ഭക്ഷ്യധാന്യ കിറ്റ് വിതരണത്തിന്റെയും സംഗീത സദസ്സിന്റെയും ഉദ്ഘാടനം ചാവക്കാട് എസ്.എച്ച്.ഒ. വി.വി. വിമൽ നിർവഹിച്ചു.
​ബീച്ച് ലവേഴ്സ് ചീഫ് കോർഡിനേറ്റർ നൗഷാദ് തെക്കുംപുറം ചടങ്ങിൽ അധ്യക്ഷത വഹിച്ചു. ചാവക്കാട് നഗരസഭ കൗൺസിലർമാരായി തിരഞ്ഞെടുക്കപ്പെട്ട കെ.പി. രജ്ജിത്ത് കുമാർ, അഡ്വ. ഹിബ മിഷിഹാദ് എന്നിവർക്ക് ചടങ്ങിൽ വെച്ച് സ്വീകരണം നൽകി.

​ഖത്തർ ക്യു.ആർ.ഐ (QRI) ഗ്രൂപ്പ് എം.ഡി അബ്ദുള്ള തെരുവത്ത്, അബ്ദുൽ മനാഫ്, ഉമ്മർ കരിപ്പായിൽ, സേതുമാധവൻ, മൊയ്നു, എ.പി. ഖലീൽ, പി. കിരൺ, അബ്ദുൽ മുനീർ, ഹുസൈൻ, ഷറഫുദീൻ, സുധീർ പുന്ന, സലീം പുന്ന, മിഥുൻ തുടങ്ങിയവർ സംസാരിച്ചു.
​ആഘോഷങ്ങളുടെ ഭാഗമായി നടന്ന ബാൻഡ് വാദ്യവും ക്രിസ്മസ് കേക്ക് വിതരണവും കാണികൾക്ക് ആവേശമായി. കോർഡിനേറ്റർ ഷാജഹാൻ ഫോർ യു ചടങ്ങിന് നന്ദി രേഖപ്പെടുത്തി.