ബം​ഗ​ളൂ​രുവിൽ വിദ്യാർത്ഥി തൂ​ങ്ങി​മ​രി​ച്ച സംഭവത്തിൽ ചാവക്കാട് സ്വദേശിക്കെതിരെ കേസ്

ചാവക്കാട്: കു​ട​ക് ജി​ല്ല​യി​ൽ​നി​ന്നു​ള്ള കോള​ജ് വി​ദ്യാ​ർ​ഥി​നി​യെ ബം​ഗ​ളൂ​രു​വി​ലെ വീ​ട്ടി​ൽ തൂ​ങ്ങി​മ​രി​ച്ച നി​ല​യി​ൽ ക​​ണ്ടെ​ത്തിയ സംഭവത്തിൽ എടക്കഴിയൂർ സ്വദേശിക്കെതിരെ ബാംഗ്ലൂർ പോലീസ് കേസെടുത്തു.  കോ​ശീ​സ് ഗ്രൂ​പ് ഓ​ഫ് ഇ​ൻ​സ്റ്റി​റ്റ്യൂ​ഷ​നി​ലെ ര​ണ്ടാം വ​ർ​ഷ വി​ദ്യാ​ർ​ഥി​നി സ​ന പ​ർ​വി​ൻ (19) ആ​ണ് മ​രി​ച്ച​ത്. സഹപാഠി ആ​യി​രു​ന്ന യു​വാ​വി​ന്റെ ശ​ല്യ​വും ഭീ​ഷ​ണി​യും മൂ​ലം പെ​ൺ​കു​ട്ടി ആ​ത്മ​ഹ​ത്യ ചെ​യ്ത​താ​ണെ​ന്ന് ക​രു​തു​ന്ന​താ​യി പൊ​ലീ​സ് പ​റ​ഞ്ഞു. വി​ദ്യാ​ർ​ഥി​നി​യു​ടെ പി​താ​വ് അ​ബ്ദു​ൽ ന​സീ​ർ, ചാവക്കാട് സ്വ​ദേ​ശി​യാ​യ യു​വാ​വി​നെ​തി​രെ പൊ​ലീ​സി​ൽ പ​രാ​തി ന​ൽ​കി. വി​ദ്യാ​ർ​ഥി​നി​യും ര​ണ്ട് കൂ​ട്ടു​കാ​രി​ക​ളും ഒ​രു​മി​ച്ചാ​ണ് ബം​ഗ​ളൂ​രു ക​ടു​സൊ​ന്ന​പ്പ​ന​ഹ​ള്ളി​യി​ലെ വീ​ട്ടി​ൽ താ​മ​സി​ച്ചി​രു​ന്ന​ത്. വെ​ള്ളി​യാ​ഴ്ച​യാ​ണ് കു​ട്ടി​യെ മ​രി​ച്ച​നി​ല​യി​ൽ ക​ണ്ടെ​ത്തി​യ​ത്. 

യു​വാ​വ് കു​റ​ച്ചു​കാ​ല​മാ​യി സ​ന​യെ പി​ന്തു​ട​ർന്ന് ഭീ​ഷ​ണി​പ്പെ​ടു​ത്തിയി​രു​ന്ന​താ​യി കൂ​ട്ടു​കാ​രി​ക​ൾ പ​റ​യു​ന്നു. ആ​ത്മ​ഹ​ത്യ പ്രേ​ര​ണ​യ​ട​ക്കം കുറ്റം ചു​മ​ത്തി​യ​താ​യി ബാംഗ്ലൂർ പൊ​ലീ​സ് അ​റി​യി​ച്ചു. 

എന്നാൽ വിദ്യാർത്ഥി ആത്മഹത്യ ചെയ്യുന്നതിന് ആഴചകൾക്ക് മുൻപ് തന്നെ യുവാവ് നാട്ടിലുണ്ടെന്നും കൊല്ലം സ്വദേശിയായ മറ്റൊരു യുവാവാണ് ആത്മഹത്യ വിവരം വിളിച്ചറിയിച്ചതെന്നും പറയുന്നു. ഒരുവർഷത്തോളമായി സന പർവിൻ ആരോപണ വിധേയനായ യുവാവുമായി അടുപ്പത്തിലായിരുന്നു. എന്നാൽ കൊല്ലം സ്വദേശിയായ യുവാവിന് സനയോടുള്ള അടുപ്പം ഇവരുടെ ബന്ധത്തിൽ ചില പ്രശ്നങ്ങൾ സൃഷ്ടിച്ചിരുന്നു.  ഇതേ തുടർന്ന് കൊല്ലം സ്വാദേശിയായ യുവാവിനെ ഭീഷണിപ്പെടുത്തുകയും സനക്ക് വാണിംഗ് നൽകുകയും ചെയ്തിരുന്നു. 

സംഭവയുമായി ബന്ധപ്പെട്ട് ചാവക്കാട്  സ്റ്റേഷനിൽ  യാതൊരു വിവരവും ലഭിച്ചിട്ടില്ലെന്ന് പോലീസ് ഇൻസ്‌പെക്ടർ അറിയിച്ചു. ആരോപണ വിധേയനായ യുവാവ് ഒളിവിലാണ്.