ഐഎസ്എംന് ചാവക്കാട് പുതിയ നേതൃത്വം

ചാവക്കാട്: കെഎൻഎം (കേരള നദുവത്തുൽ മുജാഹിദീൻ) യുവജന സംഘടനയായ ഐഎസ്എം (ഇത്തിഹാദു ശുബ്ബാനിൽ മുജാഹിദീൻ) ചാവക്കാട് മണ്ഡലത്തിന്റെ 2026–2028 കാലയളവിലേക്കുള്ള പുതിയ കമ്മിറ്റി നിലവിൽ വന്നു. 2025 ഡിസംബർ 21-ന് (ഞായർ) വൈകിട്ട് 7 മണിക്ക് ചാവക്കാട് സലഫി സെന്ററിൽ ചേർന്ന മണ്ഡലം ജനറൽ ബോഡി യോഗത്തിലാണ് പുതിയ ഭാരവാഹികളെ തിരഞ്ഞെടുത്തത്. ഐഎസ്എം ജില്ലാ പ്രസിഡന്റ് സാലിഷ് വാടാനപ്പള്ളി തിരഞ്ഞെടുപ്പ് നടപടികൾ നിയന്ത്രിച്ചു. സംഘടനയുടെ ഭാവി പ്രവർത്തനങ്ങളെക്കുറിച്ചുള്ള മാർഗനിർദേശങ്ങളും അദ്ദേഹം യോഗത്തിൽ പങ്കുവച്ചു.

യോഗത്തിൽ ഷഹീർ സലഫി തിരുവത്ര, മുജീബ് റഹ്മാൻ എടക്കഴിയൂർ, നവാസ് തിരുവത്ര, അബ്ദുൽ അസീസ് വെങ്കിടങ്ങ് എന്നിവർ സംസാരിച്ചു. യുവജനങ്ങളുടെ ധാർമിക വളർച്ച, ദഅ്‌വ പ്രവർത്തനങ്ങളുടെ പ്രാധാന്യം, സാമൂഹിക–വിദ്യാഭ്യാസ മേഖലകളിലെ ഇടപെടലുകൾ എന്നിവയെക്കുറിച്ച് അവർ വിശദീകരിച്ചു.പുതിയ കമ്മിറ്റി കാലയളവിൽ മണ്ഡലത്തിൽ ദഅ്‌വ പ്രവർത്തനങ്ങൾ ശക്തിപ്പെടുത്തുക, യുവജന പരിശീലന ക്യാമ്പുകൾ സംഘടിപ്പിക്കുക, സാമൂഹിക സേവന പദ്ധതികൾ നടപ്പാക്കുക, വിദ്യാഭ്യാസ ബോധവൽക്കരണ പ്രവർത്തനങ്ങൾ വിപുലീകരിക്കുക എന്നിവക്ക് മുൻഗണന നൽകുമെന്ന് യോഗം തീരുമാനിച്ചു. യൂണിറ്റ് തല പ്രവർത്തനങ്ങൾ സജീവമാക്കി സംഘടനയെ ശക്തമായ യുവജന പ്രസ്ഥാനമായി വളർത്തിക്കൊണ്ടുവരുമെന്ന് പുതിയ നേതൃത്വം അറിയിച്ചു. യോഗം പ്രാർത്ഥനയോടെ സമാപിച്ചു.