 Posted on 23 Dec 2013
ചാവക്കാട്: ചാവക്കാട് തിരുവത്രയില്‍ നായയുടെ ദേഹത്ത് കാവി പെയിന്റടിച്ച്
നെറ്റിയില്‍ നീളന്‍ കുറിവരച്ചു. അത്താണി പടിഞ്ഞാറെ ഭാഗത്ത് സ്വകാര്യ
വ്യക്തി വളര്‍ത്തു നായയുടെ ദേഹത്താണ് സാമൂഹ്യദ്രോഹികള്‍ കാവി നിറമുള്ള
പെയിന്റ് പൂശിയിരിക്കുന്നത്. നാട്ടുകാരുമായി നല്ല ഇണക്കത്തോടെ പെരുമാറുന്ന
നായയെ കെട്ടിയിട്ടാണ് പെയിന്‍റടിച്ചത്. കഴിഞ്ഞ ദിവസം രാത്രിയിലാണ് സംഭവം.
നായയുടെ കുരയും പരാക്രമവും കേട്ട് അടുത്തവീട്ടുകാരില്‍ ചിലര്‍പുറത്ത്
വന്നെങ്കിലും അക്രമികളെ കണ്ട് ഭയന്ന് പിന്‍വാങ്ങുകയായിരുന്നുവെന്നും
നാട്ടുകാര്‍ പറയുന്നു. ആര്‍ എസ് എസ് പ്രവര്‍ത്തകരാണ് ഇതിനു പിന്നിലെന്നാണ് ആരോപണം. .
| 
