ധന്യ ഗിരീഷ്‌

ധന്യ ഗിരീഷ്‌

ചാവക്കാട് : ചവാക്കാട് ബ്ലോക്ക് പഞ്ചായത്ത് വൈ പ്രസിഡണ്ടായി യുഡിഎഫ് ലെ ധന്യ ഗിരീഷിനെ എതിരില്ലാതെ തിരഞ്ഞെടുത്തു. വൈലത്തൂര്‍ ഡിവിഷനില്‍ നിന്നുള്ള പ്രതിനിധിയാണ് ധന്യ. ഭര്‍ത്താവ് ഗിരീഷാണ് വടക്കേകാട് പഞ്ചായത്ത് മുന്‍ മെമ്പറാണ്‍. മുന്‍ ധാരണ പ്രകാരം പഞ്ചായത്ത് വൈ പ്രസിഡണ്ടായിരുന്ന ലീഗ് അംഗം സുബൈദ വെളുത്തേടത്ത് രാജിവെച്ചതിനെ തുടര്‍ന്നാണ്‌ തിരഞ്ഞെടുപ്പ് നടന്നത്. കൊണ്ഗ്രസ്സിലെ ആറും ലീഗിലെ നാലും അംഗങ്ങളുള്‍പ്പെടെ പത്ത് വോട്ട് ധന്യക്ക് ലഭിച്ചു. പ്രതിപക്ഷത്തെ മൂന്നു പേര്‍ പങ്കെടുത്തില്ല.
എം എ അബൂബക്കര്‍ ഹാജി ബ്ലോക്ക് പഞ്ചായത്ത് പ്രസിഡണ്ട് ആയതിനെ തുടര്‍ന്ന് അദേഹം വഹിച്ചിരുന്ന വികസന കാര്യ സ്ഥിരം സമിതി അധ്യക്ഷ സ്ഥാനത്തേക്ക് കൊണ്ഗ്രസ്സിലെ മുഷ്താഖിനെ തിരഞ്ഞെടുത്തു. ഇതോടെ ഒഴിവുവന്ന ആരോഗ്യ സ്ഥിരം സമിതി അധ്യക്ഷയായി ലീഗിലെ ശാജിത ഹംസയെ തിരഞ്ഞെടുത്തു. വരണാധികാരി ജില്ലാ പ്ലാനിംഗ് ഓഫീസര്‍ കെ എം ഗോപകുമാര്‍ തിരഞ്ഞെടുപ്പ് നിയന്ത്രിച്ചു.
മുന്‍ ബ്ലോക്ക് പഞ്ചായത്ത് പ്രസിഡണ്ടായിരുന്ന ഉമ്മര്‍ മുക്കണ്ടത്ത് മുന്‍ധാരണ പ്രകാരം രാജിവെച്ചതോടെയാണ് വികസനകാര്യ സമിതി അധ്യക്ഷനായിരുന്ന എം എ അബൂബക്കര്‍ ഹാജി ബ്ലോക്ക് പഞ്ചായത്ത് പ്രസിഡണ്ടായത്.