ഗുരുവായൂര്‍: ഗുരുവായൂര്‍ സെന്റ് ആന്റണീസ് പള്ളിയുടെ വേളാങ്കണ്ണി മാതാവിന്റെ കപ്പേളയില്‍ മോഷണം. കപ്പേളയുടെ മുന്നിലുള്ള ഭണ്ഡാരത്തിന്റെ പൂട്ട് തകര്‍ത്താണ് മോഷണം നടന്നിട്ടുള്ളത്. സ്റ്റീല്‍ കൊണ്ട് നിര്‍മ്മിച്ചിട്ടുള്ള ഭണ്ഡാരത്തിന്റെ മുകളിലുള്ള കുരിശും ഇളക്കിമാറ്റിയ നിലയിലാണ്. മൂന്ന് മാസം മുമ്പും ഈ ഭണ്ഡാരത്തിന്റെ പൂട്ട് തകര്‍ത്ത് മോഷണം നടന്നിരുന്നു. വികാരി ഫാ. ജോസ് പുലിക്കോട്ടില്‍, ട്രസ്റ്റിമരായ പി.ഐ. വര്‍ഗീസ്, ജോയ് തോമസ്, എം.എ. സോളമന്‍ എന്നിവര്‍ സ്ഥലം സന്ദര്‍ശിച്ചു. ഗുരുവായൂര്‍ പൊലീസില്‍ പരാതി നല്‍കി.