ചാവക്കാട് : വേദവ്യാസ കളരിയുടെ പുതിയ ബ്രാഞ്ച് മുതുവട്ടൂരിൽ സ്വന്തം കെട്ടിടത്തിൽ ആരംഭിച്ചു. നഗരസഭാ ചെയർമാൻ എൻ കെ അക്ബർ ഉദ്ഘാടനം ചെയ്തു. ഫിറോസ് പി തൈപ്പറമ്പിൽ അധ്യക്ഷത വഹിച്ചു.

തൃശൂർ ജില്ലാ കളരിപ്പയറ്റ് അസോസിയേഷൻ പ്രസിഡന്റ് വേണുഗോപാൽ ഗുരുക്കൾ, കൗൺസിലർ കെ എസ് ബാബുരാജ്, വരവൂർ സ്കൂൾ പ്രധാനാധ്യാപകൻ പ്രസാദ്, കെ സി ഉണ്ണികൃഷ്ണൻ, കളരി പയറ്റ് അസോസിയേഷൻ പ്രസിഡന്റ് എ ഐ മുരുകൻ ഗുരുക്കൾ എന്നിവർ സംസാരിച്ചു.
വേദവ്യാസ കളരിയുടെ ചാരിറ്റി പ്രവർത്തനത്തിന്റെ ഭാഗമായി 42500 രൂപയുടെ ധന സഹായം ചടങ്ങിൽ വിതരണം ചെയ്തു.