ചേറ്റുവ വി.എസ്. കേരളീയൻ ഗ്രന്ഥശാലയുടെ നേതൃത്വത്തിൽ സ്വാതന്ത്ര്യദിനാഘോഷവും സൗജന്യ ആയുർവേദ മെഡിക്കൽ ക്യാമ്പും സംഘടിപ്പിച്ചു.

ഏങ്ങണ്ടിയൂർ: സ്വാതന്ത്ര്യദിനാഘോഷത്തിന്റെ ഭാഗമായി ചേറ്റുവ വി.എസ്. കേരളീയൻ ഗ്രന്ഥശാലയുടെ നേതൃത്വത്തിൽ സ്വാതന്ത്ര്യസമര അനുസ്മരണവും സൗജന്യ ആയുർവേദ മെഡിക്കൽ ക്യാമ്പും സംഘടിപ്പിച്ചു. ഗ്രന്ഥശാലാ പരിസരത്ത് നടന്ന ചടങ്ങുകൾ തളിക്കുളം ബ്ലോക്ക് പഞ്ചായത്ത് അംഗം ഇർഷാദ് കെ. ചേറ്റുവ ഉദ്ഘാടനം ചെയ്തു.
​ഗ്രന്ഥശാലാ പ്രസിഡന്റ് പി.പി. അബ്ദുൽ റൗഫ് അധ്യക്ഷത വഹിച്ച ചടങ്ങിൽ ഏങ്ങണ്ടിയൂർ ഗ്രാമപഞ്ചായത്ത് ആരോഗ്യ-വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്‌സൺ ഷെമീറ ഷെബീർ, വികസന സ്റ്റാൻഡിങ് കമ്മിറ്റി ചെയർമാൻ ഉണ്ണികൃഷ്ണൻ കാര്യാട്ട്, ഗ്രാമപഞ്ചായത്ത് അംഗങ്ങളായ നൗഷാദ് കൊട്ടിലിങ്ങൽ, മണിലാൽ കൊണ്ടറപ്പശ്ശേരി, ഗ്രന്ഥശാലാ സെക്രട്ടറി എ.എൻ. ആഷിക്ക്, ഡോ. എൻ.എ. ഐശ്വര്യ, സുഹറ മൂസ എന്നിവർ സംസാരിച്ചു.
​ചാമക്കാല ഒയാസിസ് ആയുർ ക്ലിനിക്കിന്റെ സഹകരണത്തോടെ നടന്ന സൗജന്യ ആയുർവേദ മെഡിക്കൽ ക്യാമ്പിന് ഡോ. എൻ.എ. ഐശ്വര്യ, ഡോ. ശരത്ത് എന്നിവർ നേതൃത്വം നൽകി. ക്യാമ്പിൽ പങ്കെടുത്തവർക്ക് സൗജന്യ മരുന്നുകളും കർക്കിടകക്കഞ്ഞിയും വിതരണം ചെയ്തു.