ചാവക്കാട് : ത്യാഗസ്മരണയില്‍ പള്ളികളില്‍ ദുഃഖവെള്ളി ദിനാചരണവും നഗരികാണിക്കല്‍ യാത്രയും നടത്തി. പാലയൂര്‍ മാര്‍ തോമ
അതിരൂപത തീര്‍ഥകേന്ദ്രത്തില്‍ പീഡാനുഭവ തിരുക്കര്‍മങ്ങള്‍ക്കു റെക്ടര്‍ ഫാ. ജോണ്‍ അയ്യങ്കാനയില്‍ മുഖ്യകാര്‍മികത്വം വഹിച്ചു. ഫാ.
ജോസ് ചക്കാലക്കല്‍, ഫാ. ആന്റണി അമ്മുത്തന്‍എന്നിവര്‍ സഹകാര്‍മികരായിരുന്നു. വൈകിട്ടു നാലിനു പാലയൂര്‍, പാലുവായ്, മമ്മിയൂര്‍
എന്നിവിടങ്ങളില്‍നിന്നു കുരിശിന്റെവഴി പാലയൂരില്‍ സംഗമിച്ചു ചാവക്കാട്ടേക്കു നഗരികാണിക്കല്‍ പ്രദക്ഷിണം ഉണ്ടായി. തുടര്‍ന്നു ഫാ.
ജോര്‍ജ് തോമസ് നിരപ്പുകാലയില്‍ സന്ദേശം നല്കി. കൈക്കാരന്‍മാരായ സി.എല്‍. ജേക്കബ്, ഷാജു ചെറുവത്തൂര്‍, ജോസ് പോള്‍
ചക്രമാക്കില്‍, ജോസ് ചെമ്മണ്ണൂര്‍, അംഗങ്ങളായ നോയല്‍ സണ്ണി, ഷാജു ആന്റോ, അരുണ്‍, ലിറ്റി ജേക്കബ്, ലിറ്റി ജോസ്, ബീന ജോഷി,
സിസ്റ്റര്‍ ഡോളറോസ് എന്നിവര്‍ നേതൃത്വം നല്കി.
കോട്ടപ്പടി സെന്റ് ലാസേഴ്‌സ് പള്ളിയില്‍ ദുഃഖവെള്ളി ആചരിച്ചു. രാവിലെ ദിവ്യബലിയും വൈകിട്ടു പീഢാനുഭവ സ്മരണ പുതുക്കി
ആയിരക്കണക്കിനു വിശ്വാസികള്‍ അണിനിരന്ന പരിഹാര പ്രദക്ഷിണവും ഉണ്ടായി. ദേവാലയത്തില്‍ കുരിശിന്റെ ആശിര്‍വാദവും സമാപന
സന്ദേശവും നല്കി. വികാരി ഫാ. ജോണ്‍സണ്‍ ഒലക്കേങ്കില്‍ മുഖ്യ പ്രഭാഷണം നടത്തി. അസി. വികാരി സനോജ് അറങ്ങാശേരി
സഹകാര്‍മികനായി. ഫാ. ജോസ് ചാലക്കല്‍ സന്ദേശം നല്കി.
ആറ്റുപുറം സെന്റ് ആന്റണീസ് പള്ളിയില്‍ തിരുകര്‍മ്മങ്ങക്ക് ഫാ. സിന്റോ തൊറയന്‍ നേതൃത്വം നല്കി. വൈലത്തൂര്‍ സെന്റ് സിറിയക്
പള്ളിയില്‍ വികാരി ഫാ. ജോജു പനക്കല്‍, മുഖ്യ കാര്‍മ്മികനായി.
ഗുരുവായൂര്‍: ഗുരുവായൂര്‍ സെന്റ് ആന്റണീസ് പള്ളിയില്‍ വൈകീട്ട് നഗരികാണിക്കല്‍ യാത്ര നടത്തി. തിരുകര്‍മ്മങ്ങള്‍ക്ക് വികാരി ഫാ.
ഫ്രാന്‍സീസ് തലക്കോട്ടൂര്‍, ഡീക്കന്‍ ജിജോ എന്നിവര്‍ നേതൃത്വം നല്കി. ഈസ്റ്റര്‍ ദിനകര്‍മ്മങ്ങള്‍ ശനിയാഴ്ച രാത്രി 11.40ന് നടക്കും.
കോട്ടപ്പടി സെന്റ് ലാസേഴ്‌സ് പള്ളിയില്‍ നഗരികാണിക്കല്‍ യാത്രയ്ക്കും തിരുകര്‍മ്മങ്ങള്‍ക്കും ഫാ. ജോണ്‍സണ്‍ ഒലക്കേങ്കില്‍ മുഖ്യ
കാര്‍മ്മികനായി..
