posted on 19 April 2014
പുന്നയൂര്‍കുളം: കൊച്ചന്നൂര്‍
ഗവ.സ്കൂളിന്റെ വിജയശതമാനം ഉയര്‍ത്തിയത് അധ്യാപക രക്ഷാകര്‍തൃ സമിതിയുടെ
അശ്രാന്തപരിശ്രമം . മേഖലയിലെ മറ്റു ഗവ.സ്കൂളുകളെ പിന്നിലാക്കി എസ് എസ് എല്‍ സി
പരീക്ഷയെഴുതിയ 88 വിദ്യാര്‍ഥികളില്‍ 80 വിദ്യാര്‍ഥികളും വിജയിച്ചു. മുഴുവന്‍
വിഷയങ്ങളിലും എ ഗ്രേഡ്‌ ലഭിച്ച വിദ്യാര്‍ഥികളുടെ എണ്ണവും കുറവല്ല. കഴിഞ്ഞ
വര്‍ഷത്തെ 74 ശതമാനം വിജയത്തെ നിഷ്പ്രഭമാക്കിയാണ് 91 ശതമാനം വിജയത്തിലേക്ക്‌
സ്കൂള്‍ മുന്നേറിയത്‌. വിദ്യാര്‍ഥികള്‍ക്ക് പൂര്‍ണ്ണ പിന്തുണയുമായി മാതൃകാപരമായ
പ്രവര്‍ത്തനം നടത്തിയ പി ടി എ ഭാരവാഹികളെ അധികൃതര്‍ അഭിനന്ദിച്ചു. | 
