എരമംഗലം: തിരുനന്തപുരത്ത് നടന്ന സംസ്ഥാന കേരളോത്സവത്തിൽ ജില്ലയുടെ അഭിമാനമായി വെളിയങ്കോട് ഗ്രാമപ്പഞ്ചായത്ത് റിലേ ടീം. സംസ്ഥാന കേരളോത്സവത്തിൽ മിന്നുന്ന പ്രകടനവുമായി വെളിയങ്കോട് പഞ്ചായത്തിലെ വി.സി.സി. എരമംഗലം ക്ലബ്ബ് അംഗങ്ങളായ മുഹമ്മദ് അസ്‌ലം, മുഹമ്മദ് ഹിലാൽ, അജ്‌മൽ, റഷീദ് എന്നിർ കേരളോത്സവത്തിലെ താരങ്ങളായത്. റിലേ 4×100 -ൽ 45.93 സെക്കൻഡിൽ ഫിനിഷ് ചെയ്‌ത്‌ കേരളോത്സവത്തിൽ ചാമ്പ്യന്മാരായതോടെ മലപ്പുറം ജില്ലയ്ക്ക് ചരിത്രനേട്ടം കൈവരിക്കുകയുമായിരുന്നു. സംസ്ഥാന കേരളോത്സവത്തിൽ ജില്ലയിലെ ഏക ഒന്നാം സ്ഥാനവും വെളിയങ്കോട് പഞ്ചായത്തിൻറെ ഈ റിലേ ടീം ആണ്. റിലേ ടീമിന് വി.സി.സി. എരമംഗലം മാനേജർ ഷൈമോൻറെ നേതൃത്വത്തിലാണ് പരിശീലനം.

ഫോട്ടോ :  – സംസ്ഥാന കേരളോത്സവത്തിൽ റിലേ 4×100 -ൽ ചാമ്പ്യന്മാരായ വെളിയങ്കോട് ഗ്രാമപ്പഞ്ചായത്ത് ടീം