സിറാജുൽ ഹുദ പൂർവ്വ വിദ്യാർത്ഥി സംഘടന പഠനോപകരണങ്ങൾ വിതരണം ചെയ്തു 

ചാവക്കാട്: എടക്കഴിയൂർ ഈവാനുൽ ഉലൂം മദ്രസ പൂർവ്വ വിദ്യാർത്ഥി സംഘടനയായ സിറാജുൽ ഹുദയുടെ ആഭിമുഖ്യത്തിൽ പ്രദേശത്തെ വിദ്യാർത്ഥികൾക്കായുള്ള പഠനോപകരണ വിതരണം നടത്തി. വിദ്യാർത്ഥികളുടെ വിദ്യാഭ്യാസ മുന്നേറ്റത്തിന് പിന്തുണ നൽകുകയും പഠനത്തിന് ആവശ്യമായ സാമഗ്രികൾ ലഭ്യമാക്കുകയും ചെയ്യുക എന്ന ലക്ഷ്യത്തോടെയാണ് പരിപാടി സംഘടിപ്പിച്ചത്.​ചടങ്ങിൽ സിറാജുൽ ഹുദ വൈസ് പ്രസിഡന്റ് ഹംസ മാസ്റ്റർ അധ്യക്ഷത വഹിച്ചു. വാർഡ് മെമ്പർ വീരാൻകുട്ടി പള്ളിപ്പറമ്പിൽ ഉദ്ഘാടനകർമ്മം നിർവഹിച്ചു. സയ്യിദ് സലീം തങ്ങൾ വിദ്യാർത്ഥിക്ക് പഠനോപകരണങ്ങൾ കൈമാറിക്കൊണ്ട് വിതരണോദ്ഘാടനത്തിന് നേതൃത്വം നൽകി. സിറാജുൽ ഹുദ സെക്രട്ടറി ജാബിർ ഫാദിലി ചടങ്ങിൽ സ്വാഗതം ആശംസിച്ചു.​മദ്രസ പ്രസിഡന്റ് മാമുട്ടി ഹാജി, മദ്രസ സെക്രട്ടറി ബഷീർ മോഡേൺ, സിറാജുൽ ഹുദ അഡ്വൈസറി മെമ്പർ ഫൈസൽ തഹാനി എന്നിവർ പരിപാടിക്ക് ആശംസകൾ നേർന്നു സംസാരിച്ചു. സംഘടനയുടെ ഫിനാൻഷ്യൽ സെക്രട്ടറി അക്ബർ, വർക്കിംഗ് സെക്രട്ടറി അബൂബക്കർ മാലിക്കുളം, ഓഡിറ്റർമാരായ നസീർ ടി.എം., ബാദുഷ, എക്സിക്യൂട്ടീവ് മെമ്പർമാരായ ഹനീഫ അയ്യത്തയിൽ, യൂസഫ് കല്ലിങ്ങൽ, ഷഹീർ ആലുങ്ങൽ, തുഫൈൽ അയ്യത്തയിൽ തുടങ്ങിയവരും മറ്റ് കമ്മിറ്റി അംഗങ്ങളും ചടങ്ങിൽ സംബന്ധിച്ചു. പ്രദേശത്തെ നിരവധി രക്ഷിതാക്കളും പൊതുപ്രവർത്തകരും ചടങ്ങിന് സാക്ഷ്യം വഹിക്കാൻ എത്തിയിരുന്നു.