ലഹരിക്കെതിരെ ‘തൂഫാൻ കിക്കു’മായി എം.എസ്.എഫ് പുതിയറ യൂണിറ്റ്

ചാവക്കാട്: ലോകകപ്പ് ആവേശത്തോടൊപ്പം ലഹരിക്കെതിരായ ബോധവൽക്കരണവുമായി എം.എസ്.എഫ് പുതിയറ യൂണിറ്റ് കമ്മിറ്റി സംഘടിപ്പിച്ച ‘തൂഫാൻ കിക്ക്’ ശ്രദ്ധേയമായി. സംസ്ഥാന സർക്കാരിൻ്റെ ലഹരിവിരുദ്ധ ക്യാമ്പയിനിൻ്റെ ഭാഗമായാണ് പരിപാടി നടത്തിയത്.​കടപ്പുറം ഗ്രാമപഞ്ചായത്ത് പ്രസിഡൻ്റ് വി.എം. മനാഫ് പരിപാടി ഉദ്ഘാടനം ചെയ്തു. സബാഹ് താഴത്ത് അധ്യക്ഷത വഹിച്ച ചടങ്ങിൽ എം.എസ്.എഫ് മുനിസിപ്പൽ ജനറൽ സെക്രട്ടറി ടി.എഫ്. ഹൈഫ ലഹരിവിരുദ്ധ സത്യപ്രതിജ്ഞ ചൊല്ലിക്കൊടുത്തു.​മുസ്ലിം ലീഗ് മുനിസിപ്പൽ സെക്രട്ടറി കെ.എച്ച്. അബ്ദുൽ സത്താർ, മേഖലാ സെക്രട്ടറി ടി.വി. അബ്ദുൽ അസീസ്, എം.എസ്.എഫ് മുനിസിപ്പൽ പ്രസിഡൻ്റ് ദാവൂദുൽ ഹക്കീം, ടി.എ. ഇല്യാസ്, പി.എസ്. ഷഹബാസ് എന്നിവർ സംസാരിച്ചു.​’തൂഫാൻ കിക്ക്’ മത്സരത്തിൽ സജിൽ ബാബു ഒന്നാം സ്ഥാനവും, അമൻ മുജീബ് രണ്ടാം സ്ഥാനവും കരസ്ഥമാക്കി. വിജയികൾക്ക് എം.എസ്.എഫ് മുനിസിപ്പൽ ജനറൽ സെക്രട്ടറി ടി.എഫ്. ഹൈഫ, വൈസ് പ്രസിഡൻ്റ് ടി.എസ്. തെൻഹ എന്നിവർ സമ്മാനങ്ങൾ വിതരണം ചെയ്തു.