അന്താരാഷ്ട്ര യോഗ ദിനം: തിരുവത്ര വിദ്യാനികേതൻ സ്കൂളിൽ യോഗ പ്രദർശനവും ബോധവൽക്കരണ ക്ലാസും സംഘടിപ്പിച്ചു

ചാവക്കാട്: അന്താരാഷ്ട്ര യോഗ ദിനത്തോടനുബന്ധിച്ച് തിരുവത്ര വിവേകാനന്ദ യോഗ കേന്ദ്രത്തിന്റെ നേതൃത്വത്തിൽ വിദ്യാനികേതൻ സ്കൂളിൽ യോഗ പ്രദർശനവും ബോധവൽക്കരണ ക്ലാസും സംഘടിപ്പിച്ചു. യോഗാഭ്യാസങ്ങൾ ജീവിതചര്യയുടെ ഭാഗമാക്കേണ്ടതിന്റെ പ്രാധാന്യം വിളിച്ചോതുന്നതായിരുന്നു പരിപാടി.​യോഗ മാസ്റ്റർ സുബിൻ പഞ്ചവടി പരിപാടി ഉദ്ഘാടനം ചെയ്തു. വിവേകാനന്ദ യോഗ കേന്ദ്രം വൈസ് ചെയർമാൻ എം.എസ്. ശിവദാസ് ചടങ്ങിൽ അധ്യക്ഷത വഹിച്ചു. തുടർന്ന് നടന്ന യോഗാ സന്ദേശം സെക്രട്ടറി ഷഹറാബാനു ടീച്ചർ വായിച്ചു.​വിവേകാനന്ദ യോഗ കേന്ദ്രം ഭാരവാഹികളായ വി.ജി. സതീശൻ, കെ.എ. അർജുനൻ, മുരളി നെടിയേടത്ത്, കെ.കെ. രാധാകൃഷ്ണൻ, എം.വി. സുധീർ പുന്ന, മൊയ്തീൻ ഷാ, സിന്ധു പിതാംബരൻ, വിഷ്ണു സോമൻ, ഷാജി പി. രാജൻ, ജയറാം മാസ്റ്റർ തുടങ്ങിയവർ പരിപാടികൾക്ക് നേതൃത്വം നൽകി.