ഷാഹി മസ്ജിദ് കയ്യേറിയത് പ്രതിഷേധിച്ച് പിഡിപി പ്രവർത്തകർ

ചാവക്കാട്: വികസനത്തിന്റെ പേര് പറഞ്ഞ് വിശ്വാസത്തെ അവഗണിച്ച് ഉജ്ജയിനിലെ ചരിത്രപ്രസിദ്ധമായ ഷാഹി മസ്ജിദ് ഭരണകൂടം തകർത്ത നടപടിയിൽ പ്രതിഷേധിച്ച് പി.ഡി.പി ഗുരുവായൂർ മണ്ഡലം കമ്മിറ്റിയുടെ നേതൃത്വത്തിൽ ചാവക്കാട് സെന്ററിൽ പ്രതിഷേധ സംഗമം സംഘടിപ്പിച്ചു.​പ്രതിഷേധ സംഗമം അഹമ്മദ് ഖാൻ പുതിയറ ഉദ്ഘാടനം ചെയ്തു. മണ്ഡലം പ്രസിഡന്റ് ഫിറോസ് പാലക്കൽ അധ്യക്ഷത വഹിച്ചു. ഫാസിസ്റ്റ് ഭരണകൂടത്തിന്റെ ന്യൂനപക്ഷ വിരുദ്ധ നീക്കങ്ങൾക്കെതിരെ ജനാധിപത്യ വിശ്വാസികൾ രംഗത്തിറങ്ങണമെന്ന് നേതാക്കൾ ആവശ്യപ്പെട്ടു.​ചടങ്ങിൽ ഹരിദാസ് ചാവക്കാട്, റസാക്ക് തൊട്ടാപ്പ്, സഗീർ വട്ടേക്കാട്, ഉമ്മർ ഹാജി പാപ്പാളി, കബീർ പുന്ന, കാദർ ഹാജി, അലി ആർ.വി, അഷറഫ് ഫോക്കസ്, അനസ് കെ.വി തുടങ്ങിയവർ സംസാരിച്ചു. സിദ്ധീഖ് അംബാല സ്വാഗതവും ഹംസക്കുട്ടി മൂന്നയിനി നന്ദിയും പറഞ്ഞു.