ശ്രദ്ധേയമായി രുചിയിടം 2026′ ഫുഡ് ഫെസ്റ്റ്

ചാവക്കാട് : രക്ഷിതാക്കളും കുട്ടികളും ഒരുമിച്ച് അണിനിരന്ന ‘രുചിയിടം 2026’ ഫുഡ് ഫെസ്റ്റ് എടക്കഴിയൂർ ആർ.പി. കിഡ്സ് & ആർ.പീസ് ജൂനിയർ സ്കൂൾ, അൽ-ഇൽമിയ്യ ഇസ്ലാമിക് പ്രി-സ്കൂളിൽ വെച്ച് ആവേശകരമായി സംഘടിപ്പിച്ചു. സീതി സാഹിബ് സ്കൂൾ ഹയർ സെക്കൻഡറി പ്രിൻസിപ്പൽ സജിത്ത്, ഹൈസ്കൂൾ പ്രധാനാധ്യാപകൻ ജോഷി, പി.ടി.എ പ്രസിഡന്റ് അൻഷിത എന്നിവർ ചേർന്ന് ഉദ്ഘാടനം ചെയ്തു.

പായസമേള, ബിരിയാണി, ചിക്കൻ വിഭവങ്ങൾ, വൈവിധ്യമാർന്ന പലഹാരങ്ങൾ, ഉപ്പിലിട്ടവ തുടങ്ങി നിരവധി രുചിക്കൂട്ടുകൾ മേളയെ ആകർഷകമാക്കി. കുട്ടികളുടെയും രക്ഷിതാക്കളുടെയും സജീവ പങ്കാളിത്തവും സഹകരണവും പരിപാടിക്ക് മാറ്റുകൂട്ടി.
ഫുഡ് ഫെസ്റ്റിലൂടെ സമാഹരിക്കുന്ന തുക ചാരിറ്റി ഫണ്ടിലേക്ക് നൽകുമെന്ന് സംഘാടകർ അറിയിച്ചു.



Comments are closed.