കുടുംബസംഗമവും ഇഫ്താര് വിരുന്നും
മന്നലാംകുന്ന്: അല്ലാമ ഇഖ്ബാല് സ്മാരക സാംസ്കാരിക സമിതിയും ഫാമിലി ക്ലബ്ബും സംയുക്തമായി നടത്തിയ കുടുംബ സംഗമവും ഇഫ്താര് വിരുന്നും കെ.വി അബ്ദുല് ഖാദര് എം.എല്.എ ഉദ്ഘാടനം ചെയ്തു. പി.എ നസീര് അദ്ധ്യക്ഷത വഹിച്ചു. അകലാട് ഫിഷ് വില്ലേജ് റസ്റ്റോറന്റില് വെച്ച് നടന്ന സംഗമത്തില്, എസ്.എസ്.എല്.സി പരീക്ഷയില് എല്ലാ വിഷയത്തിലും എ വണ് വിജയം കരസ്ഥമാക്കിയ സമിതി മെമ്പര് ഷഹ്സാദ് അബ്ദുല് സലാമിന് ഉപഹാരം നല്കി. സുലൈമാന് അസ്ഹരി ക്ലാസെടുത്തു.
ബ്ലോക്ക് പഞ്ചായത്ത് പ്രസിഡണ്ട് ഉമ്മര് മുക്കണ്ടത്ത്, ജില്ലാ പഞ്ചായത്ത് അംഗം ടി.എ അയിഷ, പുന്നയൂര് പഞ്ചായത്ത് വികസന സ്റ്റാന്റിംഗ് കമ്മിറ്റി ചെയര്മാന് സീനത്ത് അഷ്റഫ്, ബ്ലോക്ക് പഞ്ചായത്ത് അംഗം ഷെമീറ കാദര്, പുന്നയൂര് വില്ലേജ് ഓഫീസര് തോമസ്, കെ.എം ഹൈദരലി, നെഹ്റു യുവ കേന്ദ്ര ഉപദേശക സമിതി അംഗം സന്തോഷ് ദേശമംഗലം, യുവജന ക്ഷേമ ബോര്ഡ് ജില്ലാ കോ-ഓര്ഡിനേറ്റര് ലിജൊ പനക്കല്, യൂത്ത് ക്ലബ്ബ് അസോസിയേഷന് ജില്ലാ സെക്രട്ടറി സുമേഷ്, കെ.കെ ഇസ്മായില്, വി.അബ്ദുല് സലാം, കെ.എം ഷറഫുദ്ധീന്, ടി കെ. സുലൈമു, എം.എ അസീസ് മന്ദലാംകുന്ന്, എ.എച്ച് ഹാഫില് എന്നിവര് പങ്കെടുത്തു. ടി.കെ കാദര് സ്വാഗതവും വി.കെ ഇര്ശാദ് നന്ദിയും പറഞ്ഞു.
Comments are closed.