ചാവക്കാട് ഓൺലൈൻ പുതുവത്സരാഘോഷം സംഘടിപ്പിച്ചു

​ചാവക്കാട്: ചാവക്കാട് ഓൺലൈൻ ജീവനക്കാരുടെ നേതൃത്വത്തിൽ പുതുവത്സരാഘോഷം സംഘടിപ്പിച്ചു. ചാവക്കാട് ഓൺലൈൻ ഓഫീസിൽ വെച്ച് നടന്ന ആഘോഷപരിപാടികൾ എഡിറ്റർ ഇൻ ചീഫ് എം.വി. ഷക്കീൽ ഉദ്ഘാടനം ചെയ്തു. പുതിയ വർഷത്തിൽ കൂടുതൽ ക്രിയാത്മകമായ പ്രവർത്തനങ്ങളുമായി മുന്നോട്ട് പോകുമെന്നു അദ്ദേഹം വ്യക്തമാക്കി.

​ന്യൂസ് ബ്രോഡ്‌കാസ്റ്റിംഗ് ഹെഡ് സലീം ഐഫോക്കസ് ചടങ്ങിൽ അധ്യക്ഷത വഹിച്ചു. വൈൽഡ് ലൈഫ് ഫോട്ടോഗ്രാഫർ എൻ. ഉബൈദ്, മീഡിയ നെറ്റ്‌വർക്ക് ഹെഡ് നവ്യ നാരായണൻ എന്നിവർ ചടങ്ങിൽ ആശംസകൾ അർപ്പിച്ചു സംസാരിച്ചു.

​ഉദ്ഘാടന ചടങ്ങിന് ശേഷം ജീവനക്കാർക്കായി വിവിധ മത്സരങ്ങളും കലാപരിപാടികളും അരങ്ങേറി. സ്ഥാപനത്തിലെ മുഴുവൻ ജീവനക്കാരും ആഘോഷങ്ങളിൽ പങ്കുചേർന്നു.