നഗരസഭ കൌണ്‍സിലര്‍ക്ക് കടന്നല്‍ കുത്തേറ്റ് പരിക്ക്

[et_pb_section admin_label=”section”][et_pb_row admin_label=”row”][et_pb_column type=”4_4″][et_pb_text admin_label=”Text” background_layout=”light” text_orientation=”left” text_line_height=”2.2em” use_border_color=”off” border_color=”#ffffff” border_style=”solid”]

ഗുരുവായൂര്‍ : വാര്‍ഡ് സഭയുടെ നോട്ടീസ് വിതരണത്തിനിറങ്ങിയ നഗരസഭ കൌണ്‍സിലര്‍ക്ക് കടന്നല്‍ കുത്തേറ്റ് പരിക്ക്.  38-ാം വാര്‍ഡ് കൗസിലര്‍ താമരയൂര്‍ സ്വദേശി താമരശേരി വിനോദ് കുമാറിനാണ് കടന്നല്‍ കുത്തേറ്റത്. ശബരിമലക്ക് പോകാനായി വ്രതം നോറ്റിരിക്കുന്ന വിനോദ്  വാര്‍ഡ്‌സഭ നോട്ടീസ് വിതരണത്തിനായി വീടുകള്‍ കയറിയിറങ്ങുകയായിരുന്നു.  കടന്നല്‍ ആക്രമണത്തെ തുടര്‍്ന്നു ദേഹാസ്വാസ്ഥ്യം അനുഭവപ്പെട്ട ഇദ്ദേഹത്തെ മുതുവട്ടൂര്‍ രാജ ആശുപത്രിയില്‍ പ്രവേശിപ്പിച്ചു. മുഖത്തും കഴുത്തിലുമായി ഒന്‍പത് കുത്തുകളാണ് ഉണ്ടായിരുന്നത്.  ഇന്നലെ രാവിലെ പത്തോടെയാണ് സംഭവം. ഹരിദാസ് നഗറില്‍ പാലത്തിങ്കല്‍ ഡെയ്‌സന്റെ വീട്ടുമുറ്റത്തെ തെങ്ങിലാണ് കടന്നല്‍ കൂടുള്ളത്. ഒരു മാസം മുന്‍പ് രൂപപ്പെട്ട കടല്‍ കൂടിന് മൂന്നടിയോളം വലുപ്പമുണ്ട്. രാത്രിയില്‍ വെളിച്ചം കാണുമ്പോള്‍ പരിസരത്തെ വീടുകളിലേക്ക് ഇവ കൂട്ടമായെത്തുന്നുണ്ട്. പക്ഷികള്‍ വന്നിടിക്കുമ്പോള്‍ പകലും കടന്നലുകള്‍ ആക്രമണകാരികളാവുന്നതു മൂലം പ്രദേശവാസികള്‍ ഭീതിയിലാണ്. കടന്നലിനെ നശിപ്പിക്കാന്‍ അടിയന്തിര നടപടി സ്വീകരിക്കണമെന്ന് നാട്ടുകാര്‍ ആവശ്യപ്പെട്ടു.

[/et_pb_text][/et_pb_column][/et_pb_row][/et_pb_section]