ഗുരുപാദപുരി ശ്രീ അയ്യപ്പ സേവാ സംഘത്തിന്റെ 21-ാമത് ദേശവിളക്ക് മഹോത്സവം: ബ്രോഷർ പ്രകാശനം ചെയ്തു

ചാവക്കാട്: ശ്രീ വിശ്വനാഥ ക്ഷേത്രത്തിൽ വെച്ച് തത്വമസി ഗൾഫിന്റെ ആഭിമുഖ്യത്തിലുള്ള 21-ാമത് ദേശവിളക്ക് മഹോത്സവത്തിന്റെ ബ്രോഷർ പ്രകാശനം ചെയ്തു. 2026 നവംബർ 28-നാണ് ഗുരുപാദപുരി ശ്രീ അയ്യപ്പ സേവാ സംഘത്തിന്റെ നേതൃത്വത്തിൽ ദേശവിളക്ക് മഹോത്സവം നടക്കുന്നത്.​ക്ഷേത്രം ഓഫീസിൽ നടന്ന ചടങ്ങിൽ ചെയർമാൻ ഡോ. പി.വി. മധുസൂദനൻ, സമുദായ ദീപിക യോഗം പ്രസിഡന്റ് ശ്രീ. കുറ്റിയിലിന് ബ്രോഷർ നൽകി പ്രകാശനം നിർവഹിച്ചു.​ചടങ്ങിൽ സമുദായ ദീപിക യോഗം സെക്രട്ടറി കളത്തിൽ രമേഷ്, ട്രഷറർ എ.എ. ജയകുമാർ, ഗുരുപാദപുരി ശ്രീ അയ്യപ്പ സേവാസംഘം കൺവീനർ എൻ.വി. മധു, ക്ഷേത്രം മേൽശാന്തി ശിവാനന്ദൻ, സമുദായ ദീപിക യോഗം ഭാരവാഹികൾ തുടങ്ങിയവർ സന്നിഹിതരായിരുന്നു.