എടപ്പുള്ളി ചന്ദനക്കുടം നേർച്ച അരങ്ങേറി

ചാവക്കാട്: പാലയൂർ എടപ്പുള്ളി മർഹും ഹൈദ്രോസ് കുട്ടിമൂപ്പരുടെ ജാറത്തിലെ ചന്ദനക്കുടം നേർച്ച ആഘോഷിച്ചു.

നേർച്ചയുടെ പ്രധാന ചടങ്ങായ താബൂത്ത് കാഴ്ച ഒരു ആനയുമായി ഇന്ന് രാവിലെ 7 ന് മോസ്‌കോ നഗറിൽ നിന്നും പുറപ്പെട്ട് പരിസരപ്രദേശങ്ങളിലൂടെ സഞ്ചരിച്ച് 11.30 ജാറത്തിലെത്തി താബൂത്ത് കൂട് സ്ഥാപിച്ച് കൊടികയറ്റം നടത്തി.

മുട്ടും വിളി, ചെണ്ട, കോൽകളി, ദഫ്മുട്ട് തുടങ്ങിയ വാദ്യമേളങ്ങൾ അകമ്പടിയായി. കോവിഡ് മാനദണ്ഡങ്ങൾ പാലിച്ചുകൊണ്ടാണ് ഇത്തവണ ഒരു ദിവസം മാത്രമാക്കി ചടങ്ങുകൾ നടത്തിയത്.