ലോഗോ പ്രകാശനം ചെയ്തു – ചാവക്കാട് ഉപജില്ലാ കാലോത്സവത്തിനു ഇനി പന്ത്രണ്ടു നാൾ

ചാവക്കാട് : നവംബർ 15, 16, 17, 18  തിയതികളിലായി വടക്കേകാട് ഐ സി എ സ്കൂളിൽ അരങ്ങേറുന്ന ചാവക്കാട് ഉപജില്ലാ കേരളാ സ്കൂൾ കാലോത്സവത്തിന്റെ ലോഗോ പ്രകാശനം ചെയ്തു. വടക്കേകാട് ഐ സി എ സ്കൂളിൽ വെച്ച് നടന്ന ചടങ്ങിൽ ഗുരുവായൂർ എം എൽ എ എൻ കെ അക്ബർ ലോഗോ പ്രകാശന കർമ്മം നിർവഹിച്ചു.

ലോഗോ സൃഷ്ടി മത്സരത്തിൽ ഇരുപത് വിദ്യാർത്ഥികൾ പങ്കെടുത്തു. വടക്കേകാട് ഹയർസെക്കണ്ടറി സ്കൂൾ പ്ലസ്ടു  വിദ്യാർത്ഥി  പി എസ് ആയിഷ ഹംദ വരച്ച ലോഗോയാണ് 2023 ലെ ചാവക്കാട് ഉപജില്ലാ കേരളാ സ്കൂൾ കാലോത്സവത്തിനു തിരഞ്ഞെടുത്തത്.

വടക്കേകാട് ഗ്രാമപഞ്ചായത്ത് പ്രസിഡന്റ് എൻ എം കെ നബീൽ അധ്യക്ഷത വഹിച്ചു. ജനറൽ കൺവീനർ ഐ സി എ സ്കൂൾ പ്രിൻസിപ്പൽ ശരീഫ് പൊവ്വൽ സ്വാഗതം ആശംസിച്ചു. മാധ്യമ പ്രവർത്തകൻ ഐ ബി അബ്ദുറഹ്മാൻ, ഡി ഇ ഒ ചാവക്കാട് സോണി എബ്രഹാം എന്നിവർ ആശംസകൾ നേർന്നു. കൺവീനർ ഹസീന കാനം നന്ദി രേഖപ്പെടുത്തി.