വിശ്വാസവും മനക്കരുത്തും ജീവിതത്തിന്റെ ഭാഗമാക്കുക – ആസിം വെളിമണ്ണ

തെക്കൻ പാലയൂർ : വിശ്വാസവും മനക്കരുത്തും ജീവിതത്തിന്റെ ഭാഗമാക്കിയാൽ ജീവിതം മനോഹമായി മുന്നോട്ട് പോവുമെന്ന് ഉജ്ജ്വല ബാല്യ പുരസ്‌കാര ജേതാവ് ഹാഫിള് മുഹമ്മദ്‌ ആസിം വെളിമണ്ണ. ബദ്രിയ്യ ജുമാ മസ്ജിദ് കമ്മിറ്റിയുടെ നേതൃത്വത്തിൽ റംസാൻ റിലീഫും, പെയിൻ & പാലിയേറ്റീവ് കെയറിന് തുടക്കം കുറിക്കലും, ലഹരി ബോധവൽക്കരണ ക്ലാസും ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ഓരോ മനുഷ്യർക്കും വ്യത്യസ്ഥമായ വലിയ അനുഗ്രഹങ്ങളാണ് പടച്ച റബ്ബ് നൽകിയിട്ടുഉള്ളത്. റബ്ബ് തന്ന അനുഗ്രഹത്തെ നന്ദിയോടെ സ്മരിച്ചു കൊണ്ട്  ജീവിതത്തിൽ നല്ലത് മാത്രം ചെയ്തുകൊണ്ട് മുന്നോട്ട് പോവുക എന്നും ഭിന്നശേഷി വിഭാഗത്തിൽ നിരവധി നേട്ടങ്ങൾ കൈവരിച്ച ആസിം പറഞ്ഞു.

ജ​ന്മ​ന ര​ണ്ടു കൈ​ക​ളി​ല്ലാ​ത്ത വ​ല​തു​കാ​ലി​ന്​ ബ​ല​ക്ഷ​യ​വു​മു​ള്ള കോ​ഴി​ക്കോ​ട്​ വെ​ളി​മ​ണ്ണ സ്വ​ദേ​ശിയായ ആ​സിം വെ​ളി​മ​ണ്ണ (17) നല്ലൊരു മോട്ടിവേഷൻ സ്പീക്കറാണ്. ഖ​ത്ത​റി​ലെ ലു​സൈ​ൽ സ്റ്റേ​ഡി​യ​ത്തി​ൽ ന​ട​ന്ന ഫി​ഫ ലോ​ക​ക​പ്പ് ഫൈ​ന​ലി​ൽ അ​ർ​ജ​ന്‍റീ​ന​യും ഫ്രാ​ൻ​സും ഗ്രൗ​ണ്ടി​ൽ അ​ണി​നി​ര​ന്ന​പ്പോ​ൾ അ​വ​ർ​ക്കൊ​പ്പം നി​ൽ​ക്കാ​ൻ ആ​സി​മി​ന്​ അ​വ​സ​രം ല​ഭി​ച്ചി​രു​ന്നു. പ​ഠി​ച്ച സ്കൂ​ളി​ൽ യു.​പി ക്ലാ​സു​ക​ൾ തു​ട​ങ്ങു​ന്ന​തി​നു​വേ​ണ്ടി കാ​ലു​ക​ൾ കൊ​ണ്ട് സ​ർ​ക്കാ​റി​ന് ക​ത്തെ​ഴു​തി അം​ഗീ​കാ​രം നേ​ടി​യെ​ടു​ത്തി​ട്ടു​ണ്ട്​ ഈ ​മി​ടു​ക്ക​ൻ. ആലുവ പെ​രി​യാ​ർ നീ​ന്തി​ക്ക​ട​ന്നു ഞെട്ടിച്ച ആസിം 2021ൽ ​നെ​ത​ർ​ല​ൻ​ഡ്​​സി​ൽ കു​ട്ടി​ക​ളു​ടെ നൊ​ബേ​ൽ സ​മ്മാ​ന​വേ​ദി​യി​ൽ  മൂ​ന്നാം​സ്ഥാ​ന​ക്കാ​ര​നാ​യി. നീ​ന്ത​ലി​ലൂ​ടെ ത​ന്നെ​യാ​ണ്​ മെ​സി​യു​ടെ​യും എം​ബാ​പ്പെ​യു​ടെ​യും അ​രി​കി​ലും ആ​സിം സ്ഥാ​നം​പി​ടി​ച്ച​ത്.

ബദ്രിയ്യ ജുമാ മസ്ജിദ് പ്രസിഡന്റ്‌ ഇക്ബാൽ കളിയത്ത് അധ്യക്ഷത വഹിച്ചു. ഗുരുവായൂർ സബ് ഇൻസ്പെക്ടർ പ്രീത ബാബു ലഹരിബോധവൽക്കരണ ക്ലാസ്സിന് നേതൃത്വം നൽകി. ഏറ്റവും വലിയ പ്രതിസന്ധിയിലൂടെയാണ് നാട് മുന്നോട്ടു പോവുന്നതെന്നും ലഹരിയെന്ന മഹാ വിപത്തിനെ തുരത്താൻ ഒറ്റകെട്ടായി പ്രവത്തിക്കണമെന്നും പ്രീത ബാബു പറഞ്ഞു. ബദ്രിയ്യ കമ്മിറ്റിയുടെ മഹത്തായ ഈ പ്രവർത്തനങ്ങൾ മാതൃകാപരമാണെന്നും മറ്റു മഹല്ല് കമ്മിറ്റികളും ഇത് ഏറ്റെടുക്കണമെന്നും എസ് ഐ പറഞ്ഞു. സി ജി ട്രെയിനർ എ പി നിസാം ക്ലാസ്സ്‌ നിയന്ത്രിച്ചു.

വിവിധ പെയിൻ & പാലിയേറ്റീവ് കെയർ പ്രതിനിധികളായ എൻ പി അബൂബക്കർ (പ്രസിഡന്റ്‌ സാന്ത്വന സ്പർശം ), ജമാൽ താമരത്ത് ( കൺസോൾ ചാരിറ്റബിൾ ട്രസ്റ്റ്), ഷാഫി സഖാഫി(എസ് വൈ എസ് സ്വാന്തനം),  സിറാജ് തെന്നൽ (എസ് കെ എസ് എസ് എഫ് സഹചാരി ) എന്നിവർ സംസാരിച്ചു.

ചാവക്കാട് മഹല്ല് പ്രസിഡന്റ്‌ റഹ്മാൻ കാളിയത്ത്, ജനറൽ സെക്രട്ടറി നൗഷാദ് അഹമു, ഉപദേശക സമിതി അംഗങ്ങളായ നൗഷാദ് തെക്കും പുറം, ആർ യൂനുസ്, കമ്മിറ്റി ഭാരവാഹികളായ പി വി അബ്ദുറഹ്മാൻ, എൻ എ ഖാലിദ്, പി കെ കമറുദ്ധീൻ, കെ എസ് അൻസിൽ, യൂസഫലി പി കെ എന്നിവർ ആശംസകൾ അറിയിച്ചു. മഹല്ല് ജനറൽ സെക്രട്ടറി എ കെ ഹനീഫ സ്വാഗതവും ട്രഷറർ കെ എം അബ്ദുൽ ലത്തീഫ് നന്ദിയും പറഞ്ഞു.