ചാവക്കാട് നഗരസഭാ ഓഫീസ് കെട്ടിടത്തിലെ എം എൽ എ ഓഫീസ് ഉദ്ഘാടനം ചെയ്തു

ചാവക്കാട് : ഗുരുവായൂർ ജനതയുടെ ജനകിയ കേന്ദ്രമായി എം എൽ എ ഓഫിസ് മാറുമെന്ന് സിപിഐ എം സംസ്ഥാന സെക്രട്ടറിയേറ്റംഗം ബേബി ജോൺ പറഞ്ഞു. എൻ കെ അക്ബർ എംഎൽഎയുടെ നിയോജക മണ്ഡലം ഓഫീസ് ഉദ്ഘാടനം ചെയ്യുകയായിരുന്നു അദ്ദേഹം. ഗുരുവായൂരിൻ്റെ വികസന പ്രവർത്തനങ്ങൾക്കും ഇവിടുത്തെ ജനങ്ങളുടെ നാനാവിധ ആവശ്യങ്ങൾക്കും വിശ്വസിച്ചാശ്രയിക്കാവുന്ന ഇടമാവും ഓഫിസ്.

കോവിഡ് പ്രോട്ടോക്കോൾ പാലിച്ച് നടന്ന ചടങ്ങിൽ ചാവക്കാട് നഗരസഭാ ചെയർ പേർസൺ ഷീജ പ്രശാന്ത് അധ്യക്ഷത വഹിച്ചു. സിപിഐ എം ചാവക്കാട് ഏരിയാ സെക്രട്ടറി ടി ടി ശിവദാസ്, ഗുരുവായൂർ നഗരസഭ ചെയർമാൻ എം കൃഷ്ണദാസ്, ഗുരുവായൂർ ദേവസ്വം ചെയർമാൻ അഡ്വ. കെ ബി മോഹൻ ദാസ്, സിപിഐ മണ്ഡലം സെക്രട്ടറി അഡ്വ. പി മുഹമ്മദ് ബഷീർ, എം പി ഇക്ബാൽ, ഇ പി സുരേഷ് കുമാർ, കെ ഷാഹു, വിവിധ പഞ്ചായത്ത് പ്രസിഡൻ്റുമാർ, രാഷ്ട്രീയ പാർട്ടി പ്രതിനിധികൾ, ജനപ്രതിനിധികൾ എന്നിവർ പങ്കെടുത്തു.
ചാവക്കാട് നഗരസഭ ഓഫീസ് കെട്ടിടത്തിൽ താഴെ നിലയിലാണ് ഓഫീസ് പ്രവർത്തിക്കുന്നത്.

അന്താരാഷ്ട്ര നിലവാരത്തിലുള്ള സുഗന്ധദ്രവ്യങ്ങൾ കുറഞ്ഞ വിലയിൽ ലഭിക്കാൻ ഇപ്പൊൾ തന്നെ ബന്ധപ്പെടുക. ഓർഡർ നിങ്ങൾക്ക് വാട്സാപ്പിലോ 91 799 4987 599 അല്ലെങ്കിൽ ഈ വെബ്സൈറ്റ് ലിങ്കിലോ ചെയ്യാവുന്നതാണ് www.leparfum.in/leonara/shop/