റോഡീസ് മണത്തല ആർ പി എൽ ഫുട്ബോൾ: എസ്‌.ആർ.4-നെ തകർത്ത് ലുസൈൽ എഫ്.സി ജേതാക്കളായി

ചാവക്കാട്: മണത്തല റോഡീസ് ക്ലബ്ബിന്റെ ആഭിമുഖ്യത്തിൽ സംഘടിപ്പിച്ച ഒൻപതാമത് ആർ.പി.എൽ (Roadies Premier League) ഫുട്ബോൾ ടൂർണമെന്റിൽ ലുസൈൽ എഫ്.സി (Lusail FC) ജേതാക്കളായി. ആവേശകരമായ ഫൈനൽ പോരാട്ടത്തിൽ ഒന്നിനെതിരെ രണ്ട് ഗോളുകൾക്കാണ് ലുസൈൽ എഫ്.സി, എസ്‌.ആർ.4 (SR4) ടീമിനെ പരാജയപ്പെടുത്തിയത്.ടൂർണമെന്റിൽ ആകെ 6 പ്രമുഖ ടീമുകളാണ് മാറ്റുരച്ചത്. ഒന്നിനൊന്ന് മികച്ച പോരാട്ടങ്ങൾക്കൊടുവിലാണ് ലുസൈൽ എഫ്.സിയും എസ്‌.ആർ.4-ഉം ഫൈനലിലേക്ക് യോഗ്യത നേടിയത്.’സ്നേഹസ്പർശം’ അലികുട്ടി സ്പോൺസർ ചെയ്ത ഒന്നാം സ്ഥാനക്കാർക്കുള്ള ട്രോഫിയും, ‘അൽ മഖ്ത’ (Al maqta) അബ്ദുൾ ഖാദർ സ്പോൺസർ ചെയ്ത രണ്ടാം സ്ഥാനക്കാർക്കുള്ള ട്രോഫിയും വിജയികൾക്ക് സമ്മാനിച്ചു. സമ്മാനദാന ചടങ്ങിൽ സ്പോൺസർമാരായ അലികുട്ടി, അബ്ദുൾ ഖാദർ എന്നിവർ നേരിട്ടെത്തി ട്രോഫികൾ കൈമാറി.ചടങ്ങിൽ വാർഡ് കൗൺസിലർ എം.എൻ. റൗഫ്, റോഡീസ് ക്ലബ് പ്രസിഡന്റ് ഷംസു, സെക്രട്ടറി മുസ്തഫ എന്നിവർ പങ്കെടുത്തു. ക്ലബ്ബ് ഭാരവാഹികളായ നിഷാദ്, ജാഷി, മൻസൂർ എന്നിവർ ടൂർണമെന്റ് നിയന്ത്രിക്കുകയും ചടങ്ങുകൾക്ക് നേതൃത്വം നൽകുകയും ചെയ്തു. പ്രദേശത്തെ നിരവധി കായികപ്രേമികളാണ് മത്സരം കാണാനായി എത്തിയത്.

.