posted on 05 July 2015
ചാവക്കാട്:  കെ.എസ്.യു നേതാവ് എ.എസ് സെറൂക്കിനെ ജാമ്യമില്ലാ വകുപ്പ് ചുമത്തി ചാവക്കാട് പൊലീസ് അറസ്റ്റ് ചെയ്തിനു പിന്നില്‍ ബ്ലോക്ക് കോണ്‍ഗ്രസ് പ്രസിഡണ്ട് സി.എ ഗോപപ്രതാപനാണെന്ന് കെ.എസ്.യു എ വിഭാഗം ആരോപിച്ചു.
ഗോപ പ്രതാപനും സംഘവും ആഭ്യന്തര വകുപ്പിനെ ഗ്രൂപ്പ് പ്രവര്‍ത്തത്തിന് ഉപയോഗിക്കുകയാണെന്നും കേന്ദ്ര സര്‍ക്കാറിന്റെ വിദ്യാഭ്യാസ നയങ്ങള്‍ക്കെതിരെ കെ.എസ്.യു സംഘടിപ്പിച്ച മാര്‍ച്ച് തകര്‍ക്കാനാണ് ശനിയാഴ്ച്ച സെറൂക്കിനെ അറസ്റ്റ് ചെയ്യാന്‍ ചാവക്കാട് പൊലീസില്‍ സമ്മര്‍ദ്ദമുണ്ടാക്കിയതെന്നും നേതാക്കള്‍ ആരോപിച്ചു. സംഭവത്തില്‍ പ്രതിഷേധിച്ച് കെ.പി.സി.സി പ്രസിഡണ്ടിന് പരാതി നല്‍കുമെന്നും ജില്ലാ ജനറല്‍ സെക്രട്ടറി പി.കെ ശ്യാംകുമാര്‍, മുന്‍ ജില്ലാ സെക്രട്ടറി അരുണ്‍ മോഹന്‍, കെ.എസ്.സന്ദീപ്, ഹാരിസ്, പി അഖില്‍ ദാസ്, ഫായിസ് മുതുവട്ടൂര്‍ എന്നിവര്‍ പങ്കെടുത്ത യോഗം തീരുമാനിച്ചു. അതേസമയം പൊലീസ് നേരത്തെ എടുത്ത കേസിന്റെ നടപടിക്രമത്തിന്റെ ഭാഗമാണ് സെറൂക്കിനെ അറസ്റ്റ് ചെയ്തതെന്നും തന്റെ ഭാഗത്ത് നിന്ന് പൊലീസിനെ സ്വാധീനിക്കാന്‍  ഒരു ശ്രമവുമുണ്ടായിട്ടില്ലെന്നും കോണ്‍ഗ്രസ് ബ്ലോക്ക് പ്രസിഡണ്ട് സി.എ ഗോപപ്രതാപന്‍ അറിയിച്ചു. സെറൂക്കിനൊപ്പം പിടികൂടിത് എസ്.ഡി.പി.ഐ പ്രവര്‍ത്തകനെയാണെന്നും അദ്ദേഹം ആരോപിച്ചു.

• യൂത്ത് കോണ്‍ഗ്രസ് പ്രവര്‍ത്തകര്‍ തമ്മില്‍ തല്ലിയ കേസില്‍ കെ.എസ്.യു നേതാവ് അറസ്റ്റില്‍
  നേതാവിനെ വിട്ടുകിട്ടാന്‍ എ ഗ്രൂപ്പ് , അറസ്റ്റ് പിന്‍വലിക്കരുതെന്നാവശ്യപ്പെട്ട് ഐ ഗ്രൂപ്പ് 

• അറസ്റ്റിനു പിന്നില്‍ ഗോപപ്രതാപന്‍ - കെ എസ് യു

• വളളങ്ങള്‍ കൂട്ടിയിടിച്ച് മല്‍സ്യത്തൊഴിലാളി മരിച്ചു

• പാഠപുസ്തകങ്ങള്‍ മുപ്പതിനകം വിതരണം ചെയ്യും - വിദ്യാഭ്യാസ മന്ത്രി

• അബ്ദുറബ്ബിനെതിരെ കരിങ്കൊടി ഉയര്‍ത്താനുള്ള എസ്.എഫ്.ഐ ശ്രമം വിജയിച്ചില്ല

• വിദ്യാഭ്യാസ അവാര്‍ഡ്‌ ദാനവും പുരസ്കാര വിതരണവും

• ഗള്‍ഫിലേക്ക് കൊണ്ടുപോകാന്‍ ഏല്പിച്ച പൊതിയില്‍ കഞ്ചാവ്‌

• പാലയൂര്‍ തീര്‍ത്ഥകേന്ദ്രത്തിലെ തര്‍പ്പണ തിരുനാളിന് കൊടികയറി