posted on 05 July 2015
പുന്നയൂര്‍ക്കുളം: സുഹൃത്തിന് നല്‍കാനെന്നു പറഞ്ഞ് ഗള്‍ഫിലേക്ക് പോകുന്ന ആളുടെ പക്കല്‍ ഏല്പിച്ച പൊതിയില്‍ കഞ്ചാവ്. തെക്കേ പുന്നയൂര്‍ കടയില്‍ ഷാഹിദിനാണ് പൊതിയില്‍നിന്ന് കഞ്ചാവ് കിട്ടിയത്. പൊതിയില്‍ ഉണ്ടായിരുന്ന പാന്റ്‌സ് പിന്നീട് ഹാന്‍ഡ്ബാഗിലേക്ക് വെയ്ക്കുന്നതിനിടെ പോക്കറ്റില്‍ പൊതിയും കഞ്ചാവും കാണുകയായിരുന്നു. ഇത് ഉടന്‍ വടക്കേക്കാട് പോലീസില്‍ ഏല്പിച്ചു. ഗള്‍ഫില്‍ കടുത്ത ശിക്ഷ ലഭിക്കാന്‍ സാധ്യതയുള്ള കുറ്റത്തില്‍നിന്ന് തലനാരിഴയ്ക്കാണ് രക്ഷപ്പെട്ടത്. സംഭവത്തില്‍ വടക്കേക്കാട് പോലീസ് അന്വേഷണം ആരംഭിച്ചു. കൂടെ ജോലിയെടുക്കുന്ന ഗുരുവായൂര്‍ സ്വദേശിക്ക് നല്‍കാനെന്നു പറഞ്ഞാണ് ബൈക്കിലെത്തിയ ഒരാള്‍ പ്ലാസ്റ്റിക് കവര്‍ നല്‍കിയത്. കവര്‍ ഷാഹിദിന്റെ വീട്ടിലെത്തിച്ച ആളെക്കുറിച്ച് അന്വേഷണം ഊര്‍ജിതമാക്കിയതായി എസ്‌ഐ മുഹമ്മദ് ലത്തീഫ് പറഞ്ഞു..

• യൂത്ത് കോണ്‍ഗ്രസ് പ്രവര്‍ത്തകര്‍ തമ്മില്‍ തല്ലിയ കേസില്‍ കെ.എസ്.യു നേതാവ് അറസ്റ്റില്‍
  നേതാവിനെ വിട്ടുകിട്ടാന്‍ എ ഗ്രൂപ്പ് , അറസ്റ്റ് പിന്‍വലിക്കരുതെന്നാവശ്യപ്പെട്ട് ഐ ഗ്രൂപ്പ് 

• അറസ്റ്റിനു പിന്നില്‍ ഗോപപ്രതാപന്‍ - കെ എസ് യു

• വളളങ്ങള്‍ കൂട്ടിയിടിച്ച് മല്‍സ്യത്തൊഴിലാളി മരിച്ചു

• പാഠപുസ്തകങ്ങള്‍ മുപ്പതിനകം വിതരണം ചെയ്യും - വിദ്യാഭ്യാസ മന്ത്രി

• അബ്ദുറബ്ബിനെതിരെ കരിങ്കൊടി ഉയര്‍ത്താനുള്ള എസ്.എഫ്.ഐ ശ്രമം വിജയിച്ചില്ല

• വിദ്യാഭ്യാസ അവാര്‍ഡ്‌ ദാനവും പുരസ്കാര വിതരണവും

• ഗള്‍ഫിലേക്ക് കൊണ്ടുപോകാന്‍ ഏല്പിച്ച പൊതിയില്‍ കഞ്ചാവ്‌

• പാലയൂര്‍ തീര്‍ത്ഥകേന്ദ്രത്തിലെ തര്‍പ്പണ തിരുനാളിന് കൊടികയറി