ഗുരുവായൂർ : നഗരസഭയുടെ നേതൃത്വത്തിൽ ജൂൺ 19 മുതൽ ജൂലായ് 7 വരെ നീണ്ട് നിൽക്കുന്ന വായനാപക്ഷാചരണത്തിന്റെ ഉദ്ഘാടനം നഗരസഭ ചെയർപേഴ്സൻ വി എസ് രേവതി നിർവ്വഹിച്ചു. ശാരീരിക പരിമിതികളോട് പൊരുതി അക്ഷര ലോകത്ത് സജീവമായ കെ എൻ ഗോകുലിന് നഗരസഭ ലൈബ്രറിയിൽ ആജീവനാന്ത മെമ്പർഷിപ്പ് നൽകിയായിരുന്നു ഉദ്ഘാടനം.
ഗോകുലിന്റെ പുസ്തകങ്ങളായ “പ്രണയമെന്ന മൂലകം ” “കവിയായ് പിറന്നവന്റെ പ്രവൃത്തി രേഖകൾ ” എന്നിവ ലൈബ്രറിക്ക് വേണ്ടി ചെയർപേഴ്സൻ ഏറ്റ് വാങ്ങി .
നഗരസഭ വൈസ് ചെയർമാൻ കെ പി വിനോദ് അധ്യക്ഷത വഹിച്ചു. പ്രൊഫ: മായ എസ് നായർ മുഖ്യ പ്രഭാഷണം നടത്തി. സ്റ്റാൻഡിംങ് കമ്മിറ്റി അധ്യക്ഷരായ കെ വി വിവിധ്, ടി എസ് ഷെനിൽ, എം രതി, കൗൺസിലർമാരായ എ പി ബാബു മാസ്റ്റർ, സുരേഷ് വാര്യർ, ടി കെ സ്വരാജ്, രമിത സന്തോഷ്, സവിത സുനിൽ എന്നിവർ സംസാരിച്ചു .
വിദ്യഭ്യാസ സ്റ്റാൻഡിംങ് കമ്മിറ്റി അധ്യക്ഷ ഷൈലജ ദേവൻ സ്വാഗതവും നഗരസഭ ലൈബ്രേറിയൻ പി അംബിക നന്ദിയും പറഞ്ഞു .