ചാവക്കാട് മർച്ചന്റ്സ് അസോസിയേഷൻ സ്വാതന്ത്ര്യദിനം ആഘോഷിച്ചു; കെ.വി. അബ്ദുൽ ഹമീദ് പതാക ഉയർത്തി

ചാവക്കാട് മർച്ചന്റ്സ് അസോസിയേഷൻ സ്വാതന്ത്ര്യദിനാഘോഷം കെ.വി. അബ്ദുൽ ഹമീദ് ഉദ്ഘാടനം ചെയ്തുചാവക്കാട്: ഇന്ത്യയുടെ 80-ാം സ്വാതന്ത്ര്യദിനാഘോഷത്തിന്റെ ഭാഗമായി ചാവക്കാട് മർച്ചന്റ്സ് അസോസിയേഷന്റെ (സി.എം.എ.) നേതൃത്വത്തിൽ വിപുലമായ പരിപാടികൾ സംഘടിപ്പിച്ചു. ചാവക്കാട് വ്യാപാര ഭവനിൽ നടന്ന പ്രൗഢഗംഭീരമായ ചടങ്ങിൽ കേരള വ്യാപാരി വ്യവസായി ഏകോപന സമിതി (കെ.വി.വി.ഇ.എസ്.) സംസ്ഥാന വൈസ് പ്രസിഡന്റും തൃശൂർ ജില്ലാ പ്രസിഡന്റലുമായ കെ.വി. അബ്ദുൽ ഹമീദ് ദേശീയപതാക ഉയർത്തി ആഘോഷപരിപാടികളുടെ ഉദ്ഘാടനം നിർവഹിച്ചു.​കെ.വി.വി.ഇ.എസ്. ജില്ലാ സെക്രട്ടറിയും ചാവക്കാട് മർച്ചന്റ്സ് അസോസിയേഷൻ ജനറൽ സെക്രട്ടറിയുമായ ജോജി തോമസ് ചടങ്ങിൽ അധ്യക്ഷത വഹിച്ചു. രാജ്യത്തിന്റെ സ്വാതന്ത്ര്യസമര പോരാട്ടങ്ങളെ സ്മരിച്ചും വ്യാപാരി സമൂഹത്തിന്റെ സാമൂഹിക പ്രതിബദ്ധത ഊട്ടിയുറപ്പിച്ചും സംസാരിച്ച നേതാക്കൾ, സ്വാതന്ത്ര്യദിനാഘോഷത്തിൽ സംഘടനാംഗങ്ങളുടെ പങ്കാളിത്തം ഉറപ്പുവരുത്തി.​ചടങ്ങിൽ അസോസിയേഷൻ ട്രഷറർ കെ.കെ. സേതുമാധവൻ, സെക്രട്ടറിമാരായ പി.എം. അബ്ദുൽ ജാഫർ, പി.എസ്. അക്ബർ, എ.എസ്. രാജൻ എന്നിവർ സംസാരിച്ചു. കൂടാതെ സെക്രട്ടറിയേറ്റ് അംഗങ്ങളായ വി.കെ.ബി. അഷറഫ്, പി.എം. അക്ബർ, രാമചന്ദ്രൻ, യൂത്ത് വിങ് പ്രസിഡന്റ് ഷഹീർ മഹാരാജ് എന്നിവരും സന്നിഹിതരായിരുന്നു.​വനിതാ വിഭാഗത്തിന്റെ പങ്കാളിത്തം കൊണ്ടും ചടങ്ങ് ശ്രദ്ധേയമായി. വനിതാ വിങ് പ്രസിഡന്റ് ഫാഡിയ ഷഹീർ, സെക്രട്ടറി റസിയ ഷാഹുൽ, ട്രഷറർ രതീ രാജൻ, വനിതാ വിങ് മണ്ഡലം ചെയർപേഴ്സൺ കെ.കെ. രാജശ്രീ എന്നിവരും ചടങ്ങിൽ ആശംസകൾ നേർന്നു സംസാരിച്ചു. വ്യാപാരി വ്യവസായി ഏകോപന സമിതിയുടെയും മർച്ചന്റ്സ് അസോസിയേഷന്റെയും നിരവധിയായ ഭാരവാഹികളും പ്രമുഖ വ്യാപാരികളും ആഘോഷത്തിൽ പങ്കെടുത്തു.