എം.വി. അബൂബക്കർ സാഹിബ് അനുസ്മരണം സംഘടിപ്പിച്ചു

ചാവക്കാട്: ചാവക്കാട് ടൗൺ വാർഡ് മുൻ കൗൺസിലറും മുനിസിപ്പൽ ചെയർമാനും തൃശൂർ ഡി.സി.സി മുൻ പ്രസിഡൻ്റുമായിരുന്ന എം.വി. അബൂബക്കർ സാഹിബിന്റെ അനുസ്മരണം 171-ാം ബൂത്ത് കോൺഗ്രസ് കമ്മിറ്റിയുടെ നേതൃത്വത്തിൽ വിപുലമായി സംഘടിപ്പിച്ചു.​ജയൻ പൊന്നരാശ്ശേരിയുടെ അധ്യക്ഷതയിൽ ചേർന്ന അനുസ്മരണ യോഗം ഗുരുവായൂർ ബ്ലോക്ക് കോൺഗ്രസ് സെക്രട്ടറി പി.എ. നാസർ ഉദ്ഘാടനം ചെയ്തു. ഷുക്കൂർ കോനാരത്ത് ചടങ്ങിൽ മുഖ്യപ്രഭാഷണം നടത്തി.​കെ.എം. ബിനേഷ് സ്വാഗതം പറഞ്ഞ ചടങ്ങിൽ എ.വി. അഷറഫ്, ഉണ്ണികൃഷ്ണൻ കോഴിക്കുളങ്ങര, ബേബി കണ്ടംപുള്ളി, രാധാകൃഷ്ണൻ വെങ്കിട, തിലകൻ ചെഞ്ചേരി, എം.എ. ഉണ്ണികൃഷ്ണൻ, എം.കെ. അംബുജാക്ഷി, ഉഷ ഉണ്ണികൃഷ്ണൻ, എം.കെ. നാരായണൻ എന്നിവർ സംസാരിച്ചു. മജീദ് കണ്ണാട്ട് നന്ദി രേഖപ്പെടുത്തി.