മിസ്ഡ് കോള്‍ പരിചയം – 16 കാരിയെ തട്ടിക്കൊണ്ടുപോയി പീഡിപ്പിച്ച കേസില്‍ യുവാവ് അറസ്റ്റില്‍

[et_pb_section admin_label=”section”][et_pb_row admin_label=”row”][et_pb_column type=”4_4″][et_pb_text admin_label=”Text” background_layout=”light” text_orientation=”left” text_line_height=”2.2em” use_border_color=”off” border_color=”#ffffff” border_style=”solid”]

ചാവക്കാട്: മിസ്ഡ്‌കോള്‍ വഴി വളര്‍ന്ന പരിചയം മുതലെടുത്ത് 16കാരിയെ വിവാഹവാഗ്ദാനം നല്‍കി തട്ടിക്കൊണ്ടുപോയി പീഡിപ്പിച്ച കേസില്‍ പെരുമ്പാവൂര്‍ സ്വദേശിയെ ചാവക്കാട് പോലീസ് അറസ്റ്റു ചെയ്തു. പെരുമ്പാവൂര്‍ മനക്കപ്പടി നീലുവീട്ടില്‍ ലോറന്‍സി(37)നെയാണ് ചാവക്കാട് സി.ഐ കെ.ജി സുരേഷിന്റെ നേതൃത്വത്തിലുള്ള സംഘം അറസ്റ്റ് ചെയ്തത്. ചാവക്കാട് സ്വദേശിയായ പെണ്‍കുട്ടിയെ രണ്ട് വര്‍ഷം മുമ്പാണ് ഇയാള്‍ പരിചയപ്പെട്ടത്. മിസ്ഡ്‌കോള്‍ വഴി തുടങ്ങിയ ബന്ധം വളരുകയായിരുന്നുവെന്ന് പോലീസ് പറഞ്ഞു. ഇക്കഴിഞ്ഞ 24ന് പരീക്ഷ കഴിഞ്ഞ് സ്‌കൂളില്‍ നിന്നും പെണ്‍കുട്ടി വീട്ടിലെത്താതായതിനെ തുടര്‍ന്ന് പെണ്‍കുട്ടിയുടെ പിതാവ് ചാവക്കാട് പോലീസില്‍ പരാതി നല്‍കി. തുടര്‍ന്ന് ചാവക്കാട് പോലീസ് നടത്തിയ അന്വേഷണത്തിലാണ് ഇയാള്‍ പിടിയിലായത്.
വിവാഹിതനും രണ്ട് കുട്ടികളുടെ പിതാവുമാണ് പ്രതി. മരക്കമ്പനിയില്‍ ജോലിക്കാരനായ ഇയാള്‍ സിനിമാരംഗത്താണ് പ്രവര്‍ത്തിക്കുന്നതെന്നാണ് പെണ്‍കുട്ടിയോട് പറഞ്ഞിരുന്നത്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു. ചാവക്കാട് എസ്.ഐ എം.കെ രമേഷ്, സീനിയര്‍ സിപിഒമാരായ സന്തോഷ്, അസീസ്, കെ.വി മാധവന്‍ എന്നിവരും പ്രതിയെ പിടികൂടിയ സംഘത്തിലുണ്ടായിരുന്നു.

[/et_pb_text][/et_pb_column][/et_pb_row][/et_pb_section]