ഓട്ടോ ആൻഡ് ലൈറ്റ് മോട്ടോർ ഡ്രൈവേഴ്സ് യൂണിയൻ (സി.ഐ.ടി.യു) ചാവക്കാട് ഏരിയ സമ്മേളനം

ചാവക്കാട്: ഓട്ടോ ആൻഡ് ലൈറ്റ് മോട്ടോർ ഡ്രൈവേഴ്സ് യൂണിയൻ (സി.ഐ.ടി.യു) ചാവക്കാട് ഏരിയ സമ്മേളനം പ്രൗഢമായി സംഘടിപ്പിച്ചു. ഗുരുവായൂർ നഗരസഭ ഫ്രീഡം ഹാളിൽ വെച്ച് നടന്ന സമ്മേളനത്തിന്റെ ഔപചാരികമായ ഉദ്ഘാടനം സി.ഐ.ടി.യു ജില്ലാ വൈസ് പ്രസിഡന്റ് സി. സുമേഷ് നിർവ്വഹിച്ചു.​യൂണിയൻ ഏരിയ പ്രസിഡന്റ് കെ.കെ. മുബാറക്ക് അധ്യക്ഷത വഹിച്ച ചടങ്ങിൽ സംഘടനയുടെ മുന്നോട്ടുള്ള പ്രവർത്തനങ്ങളെയും തൊഴിലാളി ക്ഷേമങ്ങളെയും കുറിച്ച് നേതാക്കൾ സംസാരിച്ചു.​യൂണിയൻ ജില്ലാ ജനറൽ സെക്രട്ടറി പി.കെ. പുഷ്പാകരൻ, സി.ഐ.ടി.യു ഏരിയ സെക്രട്ടറി എ.എസ്. മനോജ്, ഏരിയ പ്രസിഡന്റ് കെ.എം. അലി എന്നിവർ സമ്മേളനത്തെ അഭിസംബോധന ചെയ്തു. കൂടാതെ യൂണിയൻ ജില്ലാ കമ്മിറ്റി അംഗം വി.പി. അബു, ടി.എസ്. ദാസൻ, കെ.ആർ. സൂരജ്, രാധാകൃഷ്ണൻ, മനോജ് കൂർക്കപറമ്പിൽ എന്നിവരും ചടങ്ങിൽ ആശംസകൾ നേർന്ന് സംസാരിച്ചു. ഏരിയയിലെ നിരവധി മോട്ടോർ തൊഴിലാളികൾ സമ്മേളനത്തിൽ പങ്കെടുത്തു.