ചാവക്കാട് നഗരസഭ വികസന സെമിനാർ സംഘടിപ്പിച്ചു

ചാവക്കാട്:​ ചാവക്കാട് നഗരസഭയുടെ സമഗ്ര വികസനം ലക്ഷ്യമിട്ടുള്ള വികസന സെമിനാർ സംഘടിപ്പിച്ചു.  ഗുരുവായൂർ എം എൽ എ  എൻ കെ  അക്ബർ ഉദ്ഘാടനം ചെയ്തു. നഗരസഭ ചെയർപേഴ്സൺ  എ എച്ച് അക്ബർ ചടങ്ങിൽ അദ്ധ്യക്ഷത വഹിച്ചു.​ വൈസ് ചെയർപേഴ്സൺ  ബിൻസി സന്തോഷ്  സ്വാഗതം ആശംസിച്ചു.

വികസന പദ്ധതികളുടെ കരട് രൂപരേഖ വികസനകാര്യ സ്റ്റാന്റിംഗ് കമ്മിറ്റി ചെയർപേഴ്സൺ  പി യതീന്ദ്രദാസ് അവതരിപ്പിച്ചു. കഴിഞ്ഞ കാലത്തെ പ്രവർത്തനങ്ങളുടെ റിപ്പോർട്ടിംഗ് നഗരസഭ ആസൂത്രണ സമിതി ഉപാദ്ധ്യക്ഷനും നഗരസഭ മുൻ ചെയർമാനുമായ  എം ആർ  രാധാകൃഷ്ണൻ നിർവ്വഹിച്ചു. സ്റ്റാന്റിംഗ് കമ്മിറ്റി ചെയർമാന്മാരായ ലിഷ മത്രംകോട്ട്, കെ.എച്ച്. സലാം, നഗരസഭ സെക്രട്ടറി എം എസ്എ ആകാശ് എന്നിവർ  സംസാരിച്ചു. വിദ്യാഭ്യാസ-കലാ-സാംസ്കാരിക സ്റ്റാന്റിംഗ് കമ്മിറ്റി ചെയർപേഴ്സൺ കെ പി രഞ്ജിത്ത് കുമാർ നന്ദി രേഖപ്പെടുത്തി.