സി ഐ ടി യു 16-ാം ജില്ലാ സമ്മേളനം: പതാക ദിനം ആചരിച്ചു

ചാവക്കാട്: ഒക്ടോബർ 17, 18, 19 തീയതികളിൽ തൃശൂരിൽ വെച്ച് നടക്കുന്ന സി.ഐ.ടി.യു. 16-ാം ജില്ലാ സമ്മേളനത്തിന്റെ ഭാഗമായി, സി.ഐ.ടി.യു. ചാവക്കാട് ഏരിയ കമ്മിറ്റിയുടെ നേതൃത്വത്തിൽ പതാക ദിനം ആചരിച്ചു. ചാവക്കാട് സെന്ററിൽ നടന്ന ചടങ്ങ് സി.ഐ.ടി.യു. സംസ്ഥാന കമ്മിറ്റി അംഗം എൻ.കെ. അക്ബർ ഉദ്ഘാടനം ചെയ്തു.​ചാവക്കാട് ഏരിയ പ്രസിഡന്റ് കെ.എം. അലി ചടങ്ങിൽ അധ്യക്ഷത വഹിച്ചു. സി.ഐ.ടി.യു. നേതാക്കളായ കെ.കെ. മുബാറക്, പി.എസ്. അശോകൻ, കെ.സി. സുനിൽ, കെ.ആർ. ആനന്ദൻ, സി.കെ. തോമസ്, കെ.സി. പ്രേമൻ, എം.എം. സുമേഷ്, എം.എസ്. വിഷ്ണു എന്നിവർ ചടങ്ങിൽ സംബന്ധിച്ചു.