മന്നലാംകുന്ന് ജി എഫ് യു പി സ്കൂളിൽ ഡി ഇ എ പി ഏകദിന വർക്ക്ഷോപ്പ് സംഘടിപ്പിച്ചു

പുന്നയൂർക്കുളം : പുന്നയൂർ പഞ്ചായത്ത് എഡ്യൂക്കേഷൻ കമ്മിറ്റിയുടെ ആഭിമുഖ്യത്തിൽ പഞ്ചായത്തിലെ വിവിധ സ്കൂളുകളിലെ അധ്യാപകർക്കായി ഇംഗ്ലീഷ് ഡെവലപ്മെൻ്റ് പ്രോഗ്രാമായ ഡി ഇ എ പി  ഏകദിന വർക്ക്ഷോപ്പ് സംഘടിപ്പിച്ചു. 

മന്നലാംകുന്ന് ജി എഫ് യു പി സ്കൂളിൽ നടന്ന  പരിപാടി പഞ്ചായത്ത് വൈസ് പ്രസിഡൻ്റ് സുഹറ ബക്കർ ഉദ്ഘാടനം ചെയ്തു. വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ എ കെ വിജയൻ ആശംസകൾ അർപ്പിച്ചു. സ്കൂൾ ഹെഡ്മിസ്ട്രസ്സും ഇംപ്ലിമെൻ്റിങ് ഓഫീസറുമായ സുനിത  മേപ്പുറത്ത്  സ്വാഗതം പറഞ്ഞു. നാൽപതോളം അധ്യാപകർ പങ്കെടുത്തു. ഓക്സ്ഫോർഡ് ട്രെയിനറായ സെയ്ത് ഹാരിസ് വർക്‌ഷോപ്പിനു നേതൃത്വം നൽകി. അധ്യാപകരുടെ ഇംഗ്ലീഷ് കമ്യൂണിക്കേഷൻ സ്‌കിൽ മെച്ചപ്പെടുത്തുന്നതിനാണ് പഞ്ചായത്തിൻ്റെ ആഭിമുഖ്യത്തിൽ പ്രോഗ്രാം നടത്തിയത്.