പ്ലസ് ടു പരീക്ഷയിൽ ഉന്നത വിജയം കൈവരിച്ച ഫിദ റഷീദിനെ ആദരിച്ചു

ചാവക്കാട്: ഈ വർഷത്തെ പ്ലസ് ടു പരീക്ഷയിൽ എല്ലാ വിഷയങ്ങളിലും ഫുൾ എ പ്ലസ് (Full A+) കരസ്ഥമാക്കി ഉന്നത വിജയം നേടിയ ഫിദ റഷീദിനെ സിപിഐ(എം) വട്ടേക്കാട് ബ്രാഞ്ച് കമ്മിറ്റിയുടെ നേതൃത്വത്തിൽ ആദരിച്ചു.​വിജയിക്കുള്ള ഉപഹാരം മഹിളാ അസോസിയേഷൻ അംഗം ഫസീല ഹുസൈൻ കൈമാറി. ചടങ്ങിൽ സിപിഐ(എം) വട്ടേക്കാട് ബ്രാഞ്ച് സെക്രട്ടറി ഹംസ അറക്കൽ അധ്യക്ഷത വഹിച്ചു. എൽ.സി അംഗം മുസ്തഫ ഇ.വി മുഖ്യാതിഥിയായിരുന്നു.​ചടങ്ങിൽ സഖാക്കളായ ഇക്ബാൽ എം.വി, സുബീഷ്, അഷ്‌റഫ്, ഗഫൂർ, അൻസാർ, അബ്ദുള്ള കുന്നുമ്മൽ എന്നിവരും, മുതിർന്ന മൂസക്കയും ഉൾപ്പെടെയുള്ളവർ സംബന്ധിച്ചു. മികച്ച വിജയം കൈവരിച്ച ഫിദ റഷീദിന് വരാനിരിക്കുന്ന പഠനകാലത്തും കൂടുതൽ ഉയരങ്ങൾ കീഴടക്കാൻ കഴിയട്ടെ എന്ന് യോഗം ആശംസിച്ചു.