ഗുരുവായൂർ റെയിൽവേ മേൽപ്പാലം തുറന്നു – സംസ്ഥാനത്ത് 72 പാലങ്ങൾ നിർമ്മിക്കും
ഗുരുവായൂർ : ഗുരുവായൂർ റെയിൽവേ മേൽപ്പാലം നാടിന് സമർപ്പിച്ചു. മുഖ്യമന്ത്രി പിണറായി വിജയൻ ഓൺലൈനായാണ് ഉദ്ഘാടനം ചെയ്തത്. ലെവൽ ക്രോസ്സ് രഹിത കേരളം പദ്ധതിയുടെ ഭാഗമായി 72 പാലങ്ങൾ സംസ്ഥാനത്ത് നിർമ്മിക്കുമെന്ന് .ചടങ്ങിൽ അധ്യക്ഷനായ പൊതുമരാമത്ത്, ടൂറിസം വകുപ്പ് മന്ത്രി പി.എ. മുഹമ്മദ് റിയാസ് അഭിപ്രായപ്പെട്ടു. റവന്യൂ മന്ത്രി കെ. രാജന്, എന്. കെ. അക്ബര് എംഎല്എ, ടി. എന്. പ്രതാപന് എംപി എന്നിവർ വിശിഷ്ടാതിഥികളായി.
ഗുരുവായൂർ ടൗൺഹാളിൽ നടന്ന ചടങ്ങിൽ എംഎല്എമാരായ മുരളി പെരുനെല്ലി, ഇ.ടി. ടൈസൺ മാസ്റ്റർ, പ്രവാസി ക്ഷേമ ബോര്ഡ് ചെയര്മാനും മുൻ എംഎൽഎയുമായ കെ.വി. അബ്ദുള് ഖാദര്, ഗുരുവായൂര് ദേവസ്വം ചെയര്മാന് വി.കെ. വിജയന്, കിഫ്ബി സിഇഒ ഡോ. കെ.എം എബ്രഹാം, സതേണ് റെയില്വേ ചീഫ് എഞ്ചിനീയര് വി. രാജഗോപാലന് തുടങ്ങിയവര് മുഖ്യാതിഥികളായി. നഗരസഭാ അംഗങ്ങൾ, ത്രിതല പഞ്ചായത്ത് അംഗങ്ങൾ, ജനപ്രതിനിധികൾ, കരാറുകാർ ഉദ്യോഗസ്ഥർ, എന്നിവർ പങ്കെടുത്തു. ആര്.ബി.ഡി.സി.കെ ജനറല് മാനേജര് ടി. എസ് സിന്ധു റിപ്പോര്ട്ട് അവതരിപ്പിച്ചു. ആര്.ബി.ഡി.സി.കെ മാനേജിങ് ഡയറക്ടര് എസ്. സുഹാസ് സ്വാഗതവും ഗുരുവായൂര് നഗരസഭാ ചെയര്മാന് എം. കൃഷ്ണദാസ് നന്ദിയും പറഞ്ഞു.
Comments are closed.